ದೆಹಲಿ ವಿಧಾನಸಭಾ ಚುನಾವಣೆ ಸಮೀಪಿಸುತ್ತಿದ್ದು, ಪಕ್ಷಕ್ಕಾಗಿ ನಿಧಿ ಸಂಗ್ರಹ ಅಭಿಯಾನದಲ್ಲಿ ತೊಡಗಿರುವ ಆಮ್ ಆದ್ಮಿ ಪಕ್ಷದ ಮುಖಂಡ ಅರವಿಂದ್ ಕೇಜ್ರಿವಾಲ್ ಯುವ ನೌಕರರು, ವಜ್ರ ವ್ಯಾಪಾರಿಗಳು ಮತ್ತು ಬ್ಯಾಂಕರ್ಗಳ ಜತೆ ಪ್ಲೇಟ್ ಊಟ ಒಂದಕ್ಕೆ ರೂ 20,000 ದೇಣಿಗೆ ಪಡೆದು ರಾತ್ರಿ ಊಟವನ್ನು ಆಯೋಜಿಸಿದ್ದರು.
ಫಂಡ್ ರೈಸರ್ ಡಿನ್ನರ್ ಮೂಲಕ ಕಳೆದ ರಾತ್ರಿ ನಾವು 91 ಲಕ್ಷ ರೂಪಾಯಿ ಕಲೆಕ್ಟ್ ಮಾಡಿದ್ದೇವೆ. ಡೋನರ್ ಪಾಸ್ ಮೂಲಕ 36 ಲಕ್ಷ ರೂಪಾಯಿ ಸಂಗ್ರಹಿಸಲಾಗಿತ್ತು. ಚೆಕ್ ಡೊನೆಶನ್ ಮೂಲಕ 36 ಲಕ್ಷ ಜಮಾ ಆಗಿದೆ. ನಮ್ಮ ಕಾರ್ಯಕರ್ತರು 21 ಲಕ್ಷ ರೂಪಾಯಿಯನ್ನು ಸಂಗ್ರಹಿಸಿದ್ದಾರೆ," ಎಂದು ಆಪ್ ನಾಯಕಿ ಪ್ರೀತಿ ಶರ್ಮಾ ಮೆನನ್ ಹೇಳಿದ್ದಾರೆ.
ಮುಂಬೈ ಭೋಜನದಲ್ಲಿ ಹೆಚ್ಚೆಂದರೆ 200 ದಾನಿಗಳು ಭಾಗವಹಿಸಿದ್ದರು. ಅವರಲ್ಲಿ ಹೆಚ್ಚಿನವರು ನಮ್ಮ ಬೆಂಬಲಿಗರು. ಯುವ ವೃತ್ತಿಪರರು, ವಜ್ರ ವ್ಯಾಪಾರಿಗಳು ಮತ್ತು ಬಾಲಿವುಡ್ನ ನಿರ್ದೇಶಕರು ಗರಿಷ್ಠ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು," ಎನ್ನುತ್ತಾರೆ ಪ್ರೀತಿ.