ಕೆಲದಿನಗಳಿಂದ ಹುಡುಗಿಯ ವರ್ತನೆಯಲ್ಲಿ ಅಸಹಜತೆಯನ್ನು ಗಮನಿಸಿದ್ದ ಶಾಲಾ ಶಿಕ್ಷಕಿ ಏನಾದರೂ ಸಮಸ್ಯೆಯಾ ಎಂದು ಪ್ರಶ್ನಿಸಿದಾಗ ಮೂವರು ಯುವಕರು ಆಕೆಯ ಮೇಲೆ ನಡೆಸಿದ ಕುಕೃತ್ಯ ಬೆಳಕಿಗೆ ಬಂದಿತ್ತು. ಕಳೆದ ಒಂದು ತಿಂಗಳಿಂದ ತನ್ನ ಮೇಲೆ ಅತ್ಯಾಚಾರವಾಗುತ್ತಿರುವುದನ್ನು ಬಾಲಕಿ ಬಹಿರಂಗ ಪಡಿಸಿದ್ದಳು. ಜೂನ್ 25 ರಂದು ಬಾಲಕಿಯ ಪೋಷಕರು ಪ್ಯಾಟ್ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಿದ್ದರು.
ಐಪಿಸಿ ಸೆಕ್ಷನ್ 376ಡಿ (ಸಾಮೂಹಿಕ ಅತ್ಯಾಚಾರ), 377(ಅಸ್ವಾಭಾವಿಕ ಅಪರಾಧ) ಮತ್ತು 34 (ಸಾಮಾನ್ಯ ಉದ್ದೇಶದಿಂದ ಅನೇಕ ಜನರು ಮಾಡಿದ ಅಪರಾಧ) ಅಡಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಪರಾರಿಯಾಗಿರುವ ಇನ್ನಿಬ್ಬರು ಆರೋಪಿಗಳಿಗಾಗಿ ಪೊಲೀಸರು ಶೋಧ ನಡೆಸಿದ್ದಾರೆ.
