ದೇಶದ ಜನಸಂಖ್ಯೆ, ಅನಕ್ಷರತೆ, ಬಡತನ, ಮೌಢ್ಯತೆ, ಹೆಚ್ಚಿನ ಜನಸಂಖ್ಯೆ ಗ್ರಾಮೀಣ ಪ್ರದೇಶದಲ್ಲಿ ಕೇಂದ್ರೀಕೃತವಾಗಿರುವುದು ಇದಕ್ಕೆ ಕಾರಣವಾಗಿರಬಹುದು ಎಂದು ವರದಿ ಹೇಳಿದೆ. ವಿಶ್ವದಲ್ಲಿ ನಡೆಯುವ 3 ಬಾಲ್ಯವಿವಾಹಗಳಲ್ಲಿ ಒಂದು ಭಾರತದಲ್ಲಿ ನಡೆಯುತ್ತದೆ ಎಂದು ವರದಿ ಹೇಳಿದೆ.
ಬಾಲ್ಯವಿವಾಹ ಮತ್ತು ಅದರಿಂದ ಮಹಿಳೆಯರ ಮೇಲಾಗುತ್ತಿರುವ ಋಣಾತ್ಮಕ ಪರಿಣಾಮಗಳ ಕುರಿತು ನಡೆಸಿದ ಅಧ್ಯಯನದಲ್ಲಿ , ಹೆಣ್ಣುಮಕ್ಕಳ ಆರೋಗ್ಯ, ತಾಯಿ ಮಗುವಿನ ಮರಣದ ಪ್ರಮಾಣ, ಶಿಶುಮರಣ, ಅಪೌಷ್ಟಿಕತೆಗಳ ಬಗ್ಗೆಯೂ ಬೆಳಕು ಚೆಲ್ಲಲಾಗಿದೆ.
ಸಮಾಧಾನಕರ ವಿಷಯವೆಂದರೆ ತಾಯಂದಿರ ಮರಣ ಪ್ರಮಾಣದಲ್ಲಿ ಇಳಿಕೆ ಕಂಡುಬಂದಿದ್ದು, 2006 ರಲ್ಲಿ 254 ತಾಯಂದಿರು ಮರಣವನ್ನಪ್ಪಿದ್ದರೆ, 2009ರಲ್ಲಿ ಆ ಸಂಖ್ಯೆ 212. ಮುಂದಿನ ವರ್ಷ ಆ ಸಂಖ್ಯೆಯನ್ನು 109ಕ್ಕೆ ಇಳಿಸುವ ಗುರಿಯನ್ನು ಸರಕಾರ ಹೊಂದಿದೆ.
