57 ಕ್ಷೇತ್ರಗಳಲ್ಲಿ 24 ಕ್ಷೇತ್ರಗಳು ಪಶ್ಚಿಮ ಬಂಗಾಳದ ಗಡಿಗಂಟಿಕೊಂಡಿರುವ ಸೀಮಾಂಚಲ ವಿಭಾಗಕ್ಕೆ ಸೇರಿದ್ದು, ಜತೆಗೆ ಮಧುಬನಿ, ದರ್ಭಾಂಗ, ಮಾಧೇಪುರ, ಸಹರ್ಸಾ, ಸುಪೌಲ್, ಅರರಿಯಾ, ಕಿಸಾನಗಂಜ್, ಪುರ್ನಿಯಾ ಮತ್ತು ಕತಿಹಾರ ಜಿಲ್ಲೆಗಳ ವಿಧಾನಸಭಾ ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ. ಸೂಕ್ಷ್ಮ ಹಾಗೂ ಅತಿಸೂಕ್ಷ್ಮ ಮತಗಟ್ಟೆಗಳಿಗೆ ಭಾರಿ ಪೊಲೀಸ್ ಬಿಗಿ ಭದ್ರತೆ ಒದಗಿಸಲಾಗಿದ್ದು, ಉಳಿದಂತೆ ಮತಗಟ್ಟೆಗಳಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಕ್ರಮ ಕೈಗೊಳ್ಳಲಾಗಿದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.
ಒಟ್ಟು 1,55,43,594 ಜನರು ಮತದಾನದ ಹಕ್ಕನ್ನು ಹೊಂದಿದ್ದು 58 ಮಹಿಳೆಯರು ಸೇರಿದಂತೆ 827 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.
ಜೆಡಿ-ಯು ಪಕ್ಷದ ಹಿರಿಯ ಸಚಿವ ಬಿಜೇಂದ್ರ ಪ್ರಸಾದ್ ಯಾದವ್ ಮತ್ತು ಆರ್ಜೆಡಿಯ ಅಬ್ದುಲ್ ಬಾರಿ ಸಿದ್ದಿಕಿ, ಸಚಿವ ನರೇಂದ್ರ ನಾರಾಯಣ ಯಾದವ್ ಮತ್ತು ಲಾಲು ಪ್ರಸಾದ್ ಅವರ ನಿಕಟವರ್ತಿ ಭೋಲಾ ಯಾದವ್ ಇಂದು ನಡೆಯುತ್ತಿರರುವ ಚುನಾವಣೆಯ ಪ್ರಮುಖ ಸ್ಪರ್ಧಿಗಳಾಗಿದ್ದಾರೆ.