ಹರಿಯಾಣಾದಲ್ಲಿ ಈ ಬಾರಿ ಐತಿಹಾಸಿಕ ದಾಖಲೆಯ ಶೇ.76.54ರಷ್ಟು ಮತದಾನವಾಗಿತ್ತು.
90 ಕ್ಷೇತ್ರಗಳ ಹರಿಯಾಣಾದಲ್ಲಿ ಬಿಜೆಪಿ 47 ಸ್ಥಾನ ಪಡೆದಿದ್ದು, 2009ರಲ್ಲಿ ಕೇವಲ 4 ಸ್ಥಾನಗಳನ್ನು ಮಾತ್ರ ಪಡೆದಿತ್ತು. 1987ರಲ್ಲಿ ಸಹ ಬಿಜೆಪಿ ಇಲ್ಲಿ ಉತ್ತಮ ಸಾಧನೆ ಮಾಡಿತ್ತು. 20 ಸ್ಥಾನಗಳಲ್ಲಿ ಸ್ಪರ್ಧಿಸಿದ್ದ ಬಿಜೆಪಿ 16ರಲ್ಲಿ ಜಯ ಸಾಧಿಸಿತ್ತು.
ಈ ಕುರಿತು ಪ್ರತಿಕ್ರಯಿಸಿರುವ ಹರಿಯಾಣಾದಲ್ಲಿ ಬಿಜೆಪಿ ಉಸ್ತುವಾರಿ ಹೊತ್ತಿರುವ ಕೈಲಾಶ್ ವಿಜಯ್ ವರ್ಗಿಯಾ, ''ಹರಿಯಾಣಾದಲ್ಲಿ ಜನ ಬದಲಾವಣೆ ಬಯಸಿದ್ದಾರೆ. ನಮ್ಮ ಪಕ್ಷದ ಕಾರ್ಯಕರ್ತರು ಮತ್ತು ನಾಯಕರ ಕಠಿಣ ಪರಿಶ್ರಮಕ್ಕೆ ಬೆಲೆ ದೊರೆತಿದೆ. ಚುನಾವಣೆಯ ಯಶಸ್ಸು ಮೋದಿ ಮತ್ತು ಅಮಿತ್ ಶಾಗೆರಿಗೆ ಸಲ್ಲುತ್ತದೆ'' ಎಂದಿದ್ದಾರೆ.