ಬುಲೆಟ್ ರೈಲಿನ ಟ್ರಯಲ್ ಆರಂಭವಾಗಿರುವ ಗುಜರಾತಿನ ಬಿಲಿಮೋರಾ ರೈಲ್ವೆ ನಿಲ್ದಾಣದಲ್ಲಿ ಈ ಚಿತ್ರವನ್ನು ತೆಗೆಯಲಾಗಿದೆ ಎಂದು ಕೆಲವು ಜನರು ಹೇಳಿದರು. ಕೆಲವರು ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ, ಇಷ್ಟು ಶೀಘ್ರದಲ್ಲಿ ಇಂತಹ ಸಾಧನೆ ಮಾಡಿದ ನರೇಂದ್ರ ಮೋದಿ ಅವರಿಗೆ ಅಭಿನಂದಿಸಿ, ಧನ್ಯವಾದ ಸೂಚಿಸಿದರು.
ಆದರೆ ನಿಜಾಂಶ ಬಯಲಾಗುವುದಕ್ಕೆ ಹೆಚ್ಚು ಸಮಯವೇನೂ ಬೇಕಾಗಲಿಲ್ಲ. ಕೆಲವರು ನಿಜವಾದ ಚಿತ್ರದ ಬದಲಿಗೆ ಬುಲೆಟ್ ರೈಲಿನ ಫೋಟೋಶಾಪ್ ಚಿತ್ರವನ್ನು ಅಪ್‌ಲೋಡ್ ಮಾಡಿದ್ದರು. ಚಿತ್ರ ಎಡಿಟ್ ಮಾಡುವ ಅಡೋಬ್ ಫೋಟೋಶಾಪ್ ಸಾಫ್ಟ್‌ವೇರ್ ಬಳಸಿಕೊಂಡು ಚಿತ್ರದಲ್ಲಿ ಸ್ಥಳೀಯ ರೈಲನ್ನು ತೆಗೆದು ಲಂಡನ್ ಜಾವೆಲಿನ್ ರೈಲನ್ನು ಬದಲಿಸಿದ್ದರು. ಈ ವಿಷಯ ಗೊತ್ತಾದ ಕೆಲವು ಜನರು ಇಂತಹ ಚಿತ್ರಗಳಿಂದ ದೇಶದ ಜನತೆಯನ್ನು ಮೂರ್ಖರನ್ನಾಗಿ ಮಾಡುವ ಮತ್ತು ಬಿಜೆಪಿಯನ್ನು ಹೊಗಳುವ ಕ್ರಮವನ್ನು ಟೀಕಿಸಿದರು.
