ಉತ್ತರಪ್ರದೇಶ್ ಮೂಲದ ಮಾವಿನ ಹಣ್ಣಿನ ಬೆಳೆಗಾರ, ಪದ್ಮಶ್ರೀ ವಿಜೇತ ಹಾಜಿ ಕಲೀಮುಲ್ಲಾ "ಮೋದಿ ಮ್ಯಾಂಗೋ" ಎಂಬ ವಿಶಿಷ್ಠ ಮಾವಿನಹಣ್ಣಿನೊಂದಿಗೆ ಸುದ್ದಿಯಲ್ಲಿದ್ದಾರೆ. ಭಿನ್ನ ರುಚಿಯ ಈ ಹಣ್ಣಿಗೆ ಪ್ರಧಾನಿ ಮೋದಿ ಹೆಸರಿಟ್ಟಿರುವುದರಿಂದ ಅವರಿದರ ರುಚಿ ನೋಡಿಯೇ ನೋಡುತ್ತಾರೆ. ಈ ಹಣ್ಣು ಅವರನ್ನು ತಲುಪುತ್ತದೆ ಎಂಬ ಆಶಯ ಅವರದು.
ಮೋದಿ ಮ್ಯಾಂಗೋಗಳು ಈಗಾಗಲೇ ಹಣ್ಣಾಗಿದ್ದು, ಅದನ್ನು ಪ್ರಧಾನಿಯವರಿಗಾಗಿ ಕಾದಿಟ್ಟಿದ್ದೇನೆ. ಆದರೆ ಅವರಿಗದನ್ನು ಹೇಗೆ ಕಳುಹಿಸುವುದು ಎಂದು ತಿಳಿಯುತ್ತಿಲ್ಲ ಎನ್ನುತ್ತಾರೆ ಕಲಿಮುಲ್ಲಾ. ಪದ್ಮಶ್ರೀ ಪುರಷ್ಕೃತರಾಗಿರುವ ಕಲಿಮುಲ್ಲಾ ಹಲವು ಬಗೆಯ ಮಾವಿನ ಹಣ್ಣುಗಳನ್ನು ಬೆಳೆಯಲು ಮತ್ತು ಅವುಗಳಿಗೆ ಜನಪ್ರಿಯ ಹೆಸರುಗಳನ್ನು ಕೊಡುವುದಕ್ಕೆ ಹೆಸರುವಾಸಿಯಾಗಿದ್ದಾರೆ.