ಮಿ.ಪರ್ಫೆಕ್ಟ್ ಅಮೀರ್ ಖಾನ್, ಈ ಹಿಂದೆ ತಮ್ಮ ನವೀನ ರೀತಿಯ ಚಿತ್ರ ಪ್ರಚಾರ ಐಡಿಯಾಸ್ ಮತ್ತು ತಂತ್ರಗಳಿಂದ ಎಲ್ಲರನ್ನು ಪ್ರಭಾವಿತಗೊಳಿಸಿರಬಹುದು, ಆದರೆ ಈ ಬಾರಿ ಪೀಕೆ ಎಂಬ ಚಿತ್ರದ ಪ್ರಚಾರಕ್ಕಾಗಿ ಬೆತ್ತಲೆಯಾಗುವುದರ ಮೂಲಕ ಅವರು ಒಂದರ ಹಿಂದೆ ಒಂದು ವಿವಾದಗಳನ್ನು ಎದುರಿಸುವಂತಾಗಿದೆ.
ಒಂದು ಹಳೆಯ ಟೇಪರಿಕಾರ್ಡರ್ ಮುಂದಿಟ್ಟುಕೊಂಡು ಬೆತ್ತಲೆ ಪೋಸ್ ನೀಡಿದ ಅವರ ವಿರುದ್ಧ ಪ್ರತಿಭಟಿಸಲು ಸಾರ್ವಜನಿಕರು ಮತ್ತು ಸಾಮಾಜಿಕ ಕಾರ್ಯಕರ್ತರು ತಮ್ಮನ್ನು ತಾವು ತಡೆಯದಾದರು. ಅವರ ಮೇಲೆ ಕೇಸ್ ಕೂಡ ದಾಖಲಾಯಿತು. ಈಗ ಕಾಂಗ್ರೆಸ್ ಪಕ್ಷದ ವಿಲೆ ಪರ್ಲೆ ಸಂಸದ ಕೃಷ್ಣ ಹೆಗ್ಡೆ ಅಮಿರ್, ತಮ್ಮ ಅಭಿಮಾನಿಗಳಿಗೆ ಕಹಿ ಎನಿಸುತ್ತಿರುವ ಈ ಪೋಸ್ಟರ್ ತೆಗೆದು ಹಾಕುವಂತೆ ಹೇಳುತ್ತಿದ್ದಾರೆ.
ಈ ಪೋಸ್ಟರ್ ಕೆಟ್ಟ ಪರಿಣಾಮವನ್ನು ಬೀರುತ್ತಿದೆ. ಇದು ಅನೇಕ ಸುದ್ದಿ ಪತ್ರಿಕೆಗಳಲ್ಲಿ ಪ್ರಕಟವಾಗಿದೆ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡಿದೆ. ಅಮಿರ್ ಅವರ ಕಟ್ ಔಟ್ ಒಂದಕ್ಕೆ ಬಟ್ಟೆ ತೊಡಿಸುವ ಮೂಲಕ ನಾವು ಅವರ ಆ ಕೆಟ್ಟ ಭಂಗಿಯ ವಿರುದ್ಧ ಪ್ರತಿಭಟನೆ ಮಾಡುತ್ತಿದ್ದೇವೆ. ಸಾಮಾಜಿಕ ಸಂವೇದನೆಗಳಿಗೆ ಧಕ್ಕೆ ತರುತ್ತಿರುವ ಈ ಪೋಸ್ಟರ್‌ನ್ನು ಅಮಿರ್ ಹಿಂದಕ್ಕೆ ಪಡೆಯ ಬೇಕು ಎಂದು ಮಾಧ್ಯಮಗಳ ಮೂಲಕ ನಾನು ಕೇಳಿಕೊಳ್ಳುತ್ತೇನೆ ಎಂದು ಸಂಸದರು ತಿಳಿಸಿದ್ದಾರೆ.
