ಮರುಕಳಿಸಿದ ನಿರ್ಭಯಾ ಪ್ರಕರಣ: ಕ್ರೂರವಾಗಿ ಅತ್ಯಾಚಾರಗೈದು ಕೊಲೆ
ಮಂಗಳವಾರ, 3 ಮೇ 2016 (14:07 IST)
ದಲಿತ ಯುವತಿಯ ಮೇಲೆ ಕ್ರೂರವಾಗಿ ಅತ್ಯಾಚಾರಗೈದು ಹತ್ಯೆಗೈದ ಘಟನೆ ಪೆರಂಬವೂರ್‌ನಲ್ಲಿ ನಡೆದಿದೆ. ಎಪ್ರಿಲ್ 28 ರಂದು ಈ ಘಟನೆ ನಡೆದಿದ್ದು ಆಕೆಯ ಮನೆಯಲ್ಲಿಯೇ ಈ ಪೈಶಾಚಿಕ ಕೃತ್ಯ ನಡೆದಿದೆ.
ಈ ಘಟನೆಯ ಭೀಕರತೆ 2012ರಲ್ಲಿ ಚಲಿಸುವ ಬಸ್‌ನಲ್ಲಿ ನಡೆದ ದೆಹಲಿ ವಿದ್ಯಾರ್ಥಿನಿ ಅತ್ಯಾಚಾರ ಕೊಲೆ ಪ್ರಕರಣವನ್ನು ನೆನಪಿಸುವಂತಿದ್ದು ಮೃತ ಶವ ಕರುಳು ಹೊರಬಂದ ಸ್ಥಿತಿಯಲ್ಲಿ ಪತ್ತೆಯಾಗಿದೆ.
ಆಕೆಯ ದೇಹದಲ್ಲಿ 30 ಗಾಯದ ಗುರುತುಗಳಿದ್ದು ಕುತ್ತಿಗೆಯಲ್ಲಿ ಆಳವಾದ ಗಾಯದ ಗುರುತಿದೆ. ಆಕೆಯ ತಲೆಯಲ್ಲಾದ ಗಂಭೀರ ಗಾಯದಿಂದ ಸಾವು ಸಂಭವಿಸಿದೆ ಎಂದು ಮರಣೋತ್ತರ ಪರೀಕ್ಷಾ ವರದಿ ತಿಳಿಸಿದೆ.
ಯುವತಿ ತನ್ನ ತಾಯಿಯ ಜತೆಯಲ್ಲಿ ಒಂದೇ ಕೋಣೆಯ ಮನೆಯಲ್ಲಿ ವಾಸಿಸುತ್ತಿದ್ದಳು. ಘಟನೆ ನಡೆದ ರಾತ್ರಿ ಆಕೆಯ ತಾಯಿ ಕೆಲಸದಿಂದ ಹಿಂತಿರುಗಿದಾಗ ಮಗಳು ರಕ್ತದ ಮಡುವಿನಲ್ಲಿ ಬಿದ್ದಿರುವುದನ್ನು ನೋಡಿದ್ದಾಳೆ.
