ರಾಷ್ಟ್ರ ರಾಜಧಾನಿಯಲ್ಲಿ ಅತ್ಯಾಚಾರದ ವರದಿ ಹೊಸದೇನೂ ಅಲ್ಲ ಬಿಡಿ. ದಿನ ಪ್ರತಿದಿನದಂತೆ ಇಂದು ಕೂಡ ಭೀಕರ ಅತ್ಯಾಚಾರದ ಪ್ರಕರಣವೊಂದು ದಾಖಲಾಗಿದ್ದು 10 ನೇ ತರಗತಿಯಲ್ಲಿ ಓದುತ್ತಿರುವ ಬಾಲಕಿಯ ಮೇಲೆ ಐದು ಜನ ಯುವಕರು ಸೇರಿ ಸಾಮೂಹಿಕ ಅತ್ಯಾಚಾರ ನಡೆಸಿದ ಘಟನೆ ತುಂಬ ತಡವಾಗಿ ಬೆಳಕಿಗೆ ಬಂದಿದೆ. ಅವರಲ್ಲಿ ಇಬ್ಬರು ಅಪ್ರಾಪ್ತ ಬಾಲಕರಾಗಿದ್ದಾರೆ ಎಂದು ಪೋಲಿಸ್ ಮೂಲಗಳು ತಿಳಿಸಿವೆ.
ಈ ಘಟನೆ ನಡೆದು ಒಂದು ವಾರ ಕಳೆದಿದ್ದು, ಉತ್ತಮನಗರದ ವಾಸಿಯಾಗಿರುವ ಹುಡುಗಿ ಮನೆಯಿಂದ ಶಾಲೆಗೆ ಹೋಗುತ್ತಿದ್ದ ಸಂದರ್ಭದಲ್ಲಿ ಆಕೆಯನ್ನು ಅಪಹರಿಸಿದ ಯುವಕರು ಪಿಸ್ತೂಲು ತೋರಿಸಿ ಬೆದರಿಕೆ ಒಡ್ಡಿ ತಮ್ಮ ದುರುಳುತನವನ್ನು ಪ್ರದರ್ಶಿಸಿದ್ದಾರೆ. ಅವರೆಲ್ಲರೂ ಬಾಲಕಿಗೆ ಪರಿಚಿತರೇ ಆಗಿದ್ದಾರೆ.