ಶನಿವಾರ ನಡೆದ ಸೆಮಿಫೈನಲ್‌ನಲ್ಲಿ ವಿಶ್ವ ನಂಬರ್ 13ನೇ ಶ್ರೇಯಾಂಕಿತೆ ಸಿಂಧು, ಕಠಿಣ ಸ್ಪರ್ಧಿ ಕ್ಯಾರೊಲಿನ್ ಮರಿನ್‌ ಅವರನ್ನು ಮಣಿಸಿದರು. ಜಿದ್ದಾಜಿದ್ದಿನ ಹೋರಾಟದಲ್ಲಿ ಸಿಂಧು 21-15, 18-21, 21-17 ಅಂಕಗಳಿಂದ ಗೆಲುವಿನ ನಗೆ ಬೀರಿದರು. ದ್ವಿತೀಯ ಶ್ರೇಯಾಂಕಿತೆ ಕ್ಯಾರೊಲಿನ್ ಬಲಿಷ್ಠ ಆಟಗಾರ್ತಿ ಎನಿಸಿದ್ದು ಗೆಲುವಿನ ಫೇವರೇಟ್ ಎನಿಸಿದ್ದರು. ಆದರೆ, ಸಿಂಧು ಅವರ ಚುರುಕಿನ ಆಟದ ಮುಂದೆ ಕ್ಯಾರೊಲಿನ್ ಸೋಲೊಪ್ಪಿಕೊಳ್ಳ ಬೇಕಾಯಿತು.
ಸಿಂಧು ಡೆನ್ಮಾರ್ಕ್ ಓಪನ್ನಲ್ಲಿ ಭಾರತದ ಸವಾಲು ಉಳಿಸಿಕೊಂಡಿರುವ ಏಕೈಕ ಸ್ಪರ್ಧಿಯಾಗಿದ್ದಾರೆ. ಭಾನುವಾರ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಸಿಂಧು, ವಿಶ್ವ ನಂ.4, ಚೀನಾದ ಲೀ ಕ್ಸುರಿ ವಿರುದ್ಧ ಹೋರಾಡಲಿದ್ದಾರೆ.
