ಆದರೆ, ಬೆಲೆಯನ್ನು ನಿಯಂತ್ರಣ ಮುಕ್ತಗೊಳಿಸಿರುವುದರಿಂದ ಮುಂದಿನ ದಿನಗಳಲ್ಲಿ ಅಂತರರಾಷ್ಟ್ರೀಯ ಮಾರುಕಟ್ಟೆಯ ದರಕ್ಕೆ ಅನುಗುಣವಾಗಿ ಡೀಸೆಲ್ ಬೆಲೆ ಕೂಡ ಹೆಚ್ಚು ಅಥವಾ ಕಡಿಮೆ ಆಗಲಿದೆ. ಅಲ್ಲದೇ ಇನ್ನು ಮುಂದೆ ಡೀಸೆಲ್ಗೆ ಸರ್ಕಾರದ ಸಬ್ಸಿಡಿ ನೆರವು ಇರುವುದಿಲ್ಲ.
ಇದಕ್ಕೆ ಮುನ್ನ 2009ರ ಜ. 29ರಂದು ಡೀಸೆಲ್ ಬೆಲೆ ಪ್ರತಿ ಲೀಟರ್ಗೆ ರೂ 2 ಕಡಿಮೆಯಾಗಿತ್ತು. ಆಗ ಪ್ರತಿ ಲೀಟರ್ನ ಬೆಲೆ ರೂ 30.86 ಇತ್ತು. ಆರ್ಥಿಕ ಸುಧಾರಣಾ ಕ್ರಮವಾಗಿ ಡೀಸೆಲ್ ಬೆಲೆಯನ್ನು ನಿಯಂತ್ರಣ ಮುಕ್ತಗೊಳಿಸಬೇಕೆಂಬ ಒತ್ತಡ ಹಲವು ವರ್ಷಗಳಿಂದಲೇ ಸರ್ಕಾರದ ಮೇಲೆ ಇತ್ತು. ಹೀಗಾಗಿ, ಡೀಸೆಲ್ ಮೇಲಿನ ಸಬ್ಸಿಡಿ ಹೊರೆ ಇಳಿಸಿಕೊಳ್ಳಲು ನಿರ್ಧರಿಸಿದ್ದ ಹಿಂದಿನ ಯುಪಿಎ ಸರ್ಕಾರ ಅದರ ಬೆಲೆಯನ್ನು ಪ್ರತಿ ತಿಂಗಳು ಲೀಟರ್ಗೆ 50 ಪೈಸೆ ಹೆಚ್ಚಿಸಲು ಕ್ರಮ ಕೈಗೊಂಡಿತ್ತು. 2010ರ ಜನವರಿಯಿಂದ ಇದು ಜಾರಿಗೆ ಬಂದಿತ್ತು. ಅದಾದ ನಂತರ 19 ಬಾರಿ ಏರಿಕೆ ಕಂಡ ಡೀಸೆಲ್ ಬೆಲೆ ಒಟ್ಟು 11.81 ರೂಪಾಯಿ ಹೆಚ್ಚಾಗಿತ್ತು.