ತಮಿಳುನಾಡು ಸ್ಪೀಕರ್ ಚೇರ್‌ನ್ನು ಮ್ಯೂಸಿಕ್ ಚೇರ್‌ ಆಗಿಸಿದ ಡಿಎಂಕೆ ಶಾಸಕರು

ಸ್ಪೀಕರ್​ ಮೈಕುಗಳನ್ನು ಕಿತ್ತೆಸೆದು ಆರ್ಭಟಿಸಿದ ಶಾಸಕರು, ಅವಾಚ್ಯ ಶಬ್ದಗಳಿಂದ ಸ್ಪೀಕರ್‌ರನ್ನು ನಿಂದಿಸಿದ್ದಾರೆ.ಸ್ಪೀಕರ್‌ರನ್ನು ಹೊರಗೆ ತಳ್ಳಿ ಅವರ ಖುರ್ಚಿಯ ಮೇಲೆ ಸರದಿಯಂತೆ ಶಾಸಕರು ಕುಳಿತು ಮ್ಯೂಸಿಕ್ ಚೇರ್ ಮಾಡಿಕೊಂಡು ಪ್ರಜಾಪ್ರಭಉತ್ವಕ್ಕೆ ಮಸಿ ಬಳೆದಿದ್ದಾರೆ. 

ಶಾಸಕರ ಕೂಗಾಟ, ಹೊಡೆದಾಟ, ಬೈಗುಳಗಳ ಅಬ್ಬರಕ್ಕೆ ಸದನದಲ್ಲಿದ್ದ ಕುರ್ಚಿಗಳು ಪುಡಿಪುಡಿಯಾಗಿದ್ದು ಮೇಜುಗಳು ಜಖಂಗೊಂಡಿದ್ದು, ಒಬ್ಬ ಅಟೆಂಡರ್‌ಗೆ ಗಾಯವಾಗಿದೆ. ಅಂಬುಲೆನ್ಸ್‌ನಲ್ಲಿ ಗಾಯಾಳುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.  

ಸದನ ಆರಂಭವಾಗುತ್ತಿದ್ದಂತೆ ಪನ್ನೀರ್ ಸೆಲ್ವಂ ಬಣ, ಡಿಎಂಕೆ, ಹಾಗೂ ಇತರ ವಿಪಕ್ಷಗಳು ರಹಸ್ಯ ಮತದಾನ ನಡೆಸುವಂತೆ ಆಗ್ರಹಿಸಿದ್ದಾರೆ. ಆದರೆ ಅದಕ್ಕೊಪ್ಪದ ಸ್ಪೀಕರ್ ಧ್ವನಿ ಮತದಾನ ನಡೆಸಲು ಆರಂಭಿಸಿದ್ದಾರೆ.

ಸಭಾಪತಿಯ ವರ್ತನೆಯಿಂದ ಆಕ್ರೋಶಗೊಂಡ ಶಾಸಕರು ಮೈಕ್ ಕಿತ್ತುಹಾಕಿ ಟೇಬಲ್‌ನ್ನು ಅವರ ಮೇಲೆಯೇ ತಳ್ಳಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಇದೀಗ ಸಭಾಪತಿ ಧನಪಾಲ್, ಡಿಎಂಕೆ ಮತ್ತು ಎಐಎಡಿಎಂಕೆ ಶಾಸಕರೊಂದಿಗೆ ವಿಶ್ವಾಸಮತಯಾಚನೆ ಕಲಾಪವನ್ನು ಮುಂದೂಡುವ ಕುರಿತಂತೆ ಚರ್ಚೆ ನಡೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.