ಭೃಷ್ಟಾಚಾರ ಪ್ರಕರಣಗಳು ದಿನೇ ದಿನೇ ಹೆಚ್ಚುತ್ತಿರುವುದಕ್ಕೆ ಅತೀವ ಖೇದ ವ್ಯಕ್ತಪಡಿಸಿರುವ ಬಾಂಬೆ ಹೈಕೋರ್ಟ್‌ನ ನಾಗ್ಪುರ ಪೀಠ, ಸರ್ಕಾರ ಇದನ್ನು ನಿಗ್ರಹಿಸಲು ವಿಫಲವಾದರೆ ತೆರಿಗೆ ಕಟ್ಟಬೇಡಿ, ಅಸಹಕಾರ ಚಳುವಳಿಯನ್ನು ಪ್ರಾರಂಭಿಸಿ ಎಂದು ನಾಗರಿಕರಿಗೆ ಕರ ನೀಡಿದೆ.
ತೆರಿಗೆದಾರರಿಗೆ ಆಳವಾದ ದುಃಖ ಇದೆ. ಈ ಕಡುಯಾತನೆಯ ನೋವನ್ನು ಸರ್ಕಾರಕ್ಕೂ ಅರ್ಥ ಮಾಡಿಸೋಣ. ಲಂಚಗುಳಿತವನ್ನು ನಿರ್ಮೂಲನೆಗೊಳಿಸಿ ತೆರಿಗೆದಾರರಿಗೆ ಹತಾಶೆಯಾಗದಂತೆ ತಡೆಯುವುದು ಸರ್ಕಾರದ ಗುರುತರ ಜವಾಬ್ದಾರಿ. ಭೃಷ್ಟಾಚಾರ ಬಹುತಲೆಯ ರಾಕ್ಷಸನಂತೆ. ನಾಗರಿಕರು ಒಟ್ಟಾಗಿ ಸೇರಿ ಇದರ ವಿರುದ್ಧ ಹೋರಾಡಬೇಕಿದೆ. ನಾವೆಲ್ಲರೂ ಸೇರಿ ಕೆಲಸ ಮಾಡಿದರೆ ಈ ಅಪವಿತ್ರ ವಾತಾವರಣವನ್ನು ಸೋಲಿಸಬಹುದು. ಒಂದು ವೇಳೆ ಇದು ಮುಂದುವರೆದರೆ ಅಸಹಕಾರ ಚಳುವಳಿ ಮೂಲಕ ತೆರಿಗೆದಾರರು ತೆರಿಗೆ ಕಟ್ಟುವುದನ್ನು ನಿಲ್ಲಿಸುವ ಮೂಲಕ ಸರ್ಕಾರಕ್ಕೆ ಎಚ್ಚರಿಕೆ ನೀಡಬೇಕು ಎಂದು ಕೋರ್ಟ್ ತಿಳಿಸಿದೆ.
