ನಿಂದನಾತ್ಮಕ ಪ್ರತಿಕ್ರಿಯೆಗಳಿಗೆ ಅದೇ ರೀತಿಯಲ್ಲಿ ಉತ್ತರಿಸಬೇಡಿ: ಪ್ರಧಾನಿ ಮೋದಿ ಕರೆ

ಸಾಮಾಜಿಕ ಅಂತರ್ಜಾಲ ತಾಣದಲ್ಲಿನ ನಿಂದನಾತ್ಮಕ ಮತ್ತು ಕಟುವಾದ ಪ್ರತಿಕ್ರಿಯೆಗಳಿಗೆ ಅದೇ ರೀತಿಯಲ್ಲಿ ಉತ್ತರಿಸುವುದು ಬೇಡ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ತಮ್ಮ ಬೆಂಬಲಿಗರಿಗೆ ಕರೆ ನೀಡಿದ್ದಾರೆ.  

ಸಾಮಾಜಿಕ ಅಂತರ್ಜಾಲ ತಾಣವನ್ನು ಬಳಸುವವರು ದೇಶದ ಅಭಿವೃದ್ಧಿ ಮತ್ತು ಬೆಳವಣಿಗೆಗಳಿಗೆ ಸಹಕಾರಿಯಾಗುವಂತಹ ಧನಾತ್ಮಕತೆ ಚಿಂತನೆಗಳತ್ತ ಗಮನಹರಿಸಬೇಕು ಎಂದು ಮನವಿ ಮಾಡಿದ್ದಾರೆ. 

ಸಾಮಾಜಿಕ ಅಂತರ್ಜಾಲ ತಾಣದಲ್ಲಿನ ನಿಂದನಾತ್ಮಕ ಮತ್ತು ಕಟುವಾದ ಪ್ರತಿಕ್ರಿಯೆಗಳಿಗೆ ನಿಂದನಾತ್ಮಕವಾಗಿ ಅಥವಾ ಕಟುವಾಗಿ ಉತ್ತರಿಸುವುದು ಸರಿಯಲ್ಲ. ಧನಾತ್ಮಕತೆಯಿಂದ ಸ್ಪಂದಿಸಿ ಎಂದಿದ್ದಾರೆ. 

ಡಿಜಿಟಲ್ ಇಂಡಿಯಾ ಕಾರ್ಯಕ್ರಮದ ಮೈ ಗವರ್ನಮೆಂಟ್ ವೇದಿಕೆಯಲ್ಲಿ ಭಾಗವಹಿಸಿದ್ದ ಪ್ರಧಾನಮಂತ್ರಿ ನರೇಂದ್ರ ಮೋದಿ, ಸಾಮಾಜಿಕ ಅಂತರ್ಜಾಲ ತಾಣದ 125 ಕಾರ್ಯಕರ್ತರನ್ನು ಉದ್ದೇಶಿಸಿ ಸಂವಾದ ನಡೆಸಿದರು.

ಋಣಾತ್ಮಕತೆಯನ್ನು ತ್ಯಜಿಸಿ ಧನಾತ್ಮಕತೆಯಿಂದ ದೇಶದ ಅಭಿವೃದ್ಧಿಯಲ್ಲಿ ಕೈ ಜೋಡಿಸಿ ಎಂದು ಯುವಕರಿಗೆ ಪ್ರಧಾನಿ ಮೋದಿ ಕರೆ ನೀಡಿದ್ದಾರೆ ಎಂದು ಬಿಜೆಪಿ ಐಟಿ ವಿಭಾಗದ ಮುಖ್ಯಸ್ಥ ಅರವಿಂದ್ ಗುಪ್ತಾ ಹೇಳಿದ್ದಾರೆ.