ತಮಿಳುನಾಡಿನಲ್ಲಿ ಅಮ್ಮಾ ಕ್ಯಾಂಟಿನ್, ಅಮ್ಮಾ ವಾಟರ್, ಅಮ್ಮಾ ಮೆಡಿಕಲ್ ಆಯ್ತು, ಈಗ 500 ಅಮ್ಮಾ ಜಿಮ್ಗಳನ್ನು ಮತ್ತು ಅಮ್ಮಾ ಪಾರ್ಕ್ಗಳನ್ನು ಯುವಜನರ ಸೌಲಭ್ಯಕ್ಕಾಗಿ ಗ್ರಾಮೀಣ ಪ್ರದೇಶಗಳಲ್ಲಿ ನಿರ್ಮಿಸಲಾಗುತ್ತದೆ. ಈ ಯೋಜನೆಗೆ 100ಕೋಟಿಗಿಂತ ಹೆಚ್ಚು ವೆಚ್ಚವಾಗುತ್ತದೆ.
ಗ್ರಾಮ ಪಂಚಾಯತ್ಗಳಲ್ಲಿ 100 ಕೋಟಿ ರೂ. ವೆಚ್ಚದಲ್ಲಿ ಇದನ್ನು ಸ್ಥಾಪಿಸಲಾಗುತ್ತದೆ. ಈ ಉದ್ಯಾನಗಳಲ್ಲಿ ಉತ್ತಮ ಕುಡಿಯುವ ನೀರಿನ ವ್ಯವಸ್ಥೆ, ಶೌಚಾಲಯ, ಆಡುವ ಸಾಮಗ್ರಿಗಳು ಮತ್ತು ಸಿಮೆಂಟ್ ಬೆಂಚುಗಳು ಎಲ್ಲವೂ ಇರುತ್ತದೆಂದು ಸಿಎಂ ಜಯಲಲಿತಾ ಅಸೆಂಬ್ಲಿಯಲ್ಲಿ ತಿಳಿಸಿದರು.
ಹಸಿರು ಹುಲ್ಲಿನಿಂದ ಕಂಗೊಳಿಸುವ ಈ ಉದ್ಯಾನಗಳಲ್ಲಿ ಮಕ್ಕಳು, ಮಹಿಳೆಯರು ಮತ್ತು ಹಿರಿಯ ಪೌರರು ಕಾಲ ಕಳೆಯಬಹುದು ಎಂದು ಅವರು ನುಡಿದರು. ಸರ್ಕಾರ ಗ್ರಾಮೀಣ ಪ್ರದೇಶಗಳಲ್ಲಿ 500 ಅಮ್ಮಾ ಜಿಮ್ನಾಷಿಯಂಗಳನ್ನು ತಲಾ 10 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಿಸಲಿದೆ ಎಂದು ವರದಿ ಹೇಳಿದೆ.