12 ವರ್ಷದ ಪುತ್ರಿಯನ್ನೇ ಎರಡನೇ ಪತ್ನಿಯೆಂದು ಘೋಷಿಸಿ ಮಾಂಗಲ್ಯ ಕಟ್ಟಿದ ಪಾಪಿ ತಂದೆ
ಶನಿವಾರ, 4 ಜುಲೈ 2015 (16:03 IST)
12 ವರ್ಷ ವಯಸ್ಸಿನ ಪುತ್ರಿಯನ್ನು ಎರಡನೇ ಪತ್ನಿ ಎಂದು ಘೋಷಿಸಿ ಮಾಂಗಲ್ಯ ಕಟ್ಟಿದ್ದ 31 ವರ್ಷದ ಆರೋಪಿಯನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.
ಕಳೆದ ಎಂಟು ವರ್ಷಗಳಿಂದ ಪುತ್ರಿಯ ಮೇಲೆ ಆರೋಪಿ ನಿರಂತರವಾಗಿ ಲೈಂಗಿಕ ಶೋಷಣೆ ನಡೆಸಿದ್ದನು. 12 ವರ್ಷದ ಪುತ್ರಿಯನ್ನು ತಾನೇ ವಿವಾಹವಾಗುವುದಾಗಿ ಘೋಷಿಸಿ ಮಾಂಗಲ್ಯ ಕೂಡಾ ಕಟ್ಟಿದ್ದನು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
ಆದರೆ, ಬಾಲಕಿಯ ನಾದಿನಿ ಮಕ್ಕಳ ಸಹಾಯವಾಣಿ ಕೇಂದ್ರದ ಅಧಿಕಾರಿಗಳಿಗೆ ಮಾಹಿತಿ ನೀಡಿದ ನಂತರ ಅಧಿಕಾರಿಗಳು ಪೊಲೀಸ್ ಸಹಾಯ ಪಡೆದು ಆರೋಪಿಯನ್ನು ಬಂಧಿಸಿದ್ದಾರೆ.
ಮಧುರೈ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವಿಜಯಂದ್ರ ಬಿದಾರಿ ಮಾತನಾಡಿ, ಆರೋಪಿಯ ವಿರುದ್ಧ ಮಕ್ಕಳ ಲೈಂಗಿಕ ಶೋಷಣೆ ಪ್ರಕರಣ ದಾಖಲಿಸಲಾಗಿದೆ. ಬಾಲಕಿಯ ಮೇಲೆ ಲೈಂಗಿಕ ಅತ್ಯಾಚಾರ ನಡೆದಿರುವುದು ಸಾಬೀತಾಗಿದೆ. ಬಾಲಕಿಯನ್ನು ಮಕ್ಕಳ ಯೋಗಕ್ಷೇಮ ಇಲಾಖೆಯ ಸುರ್ಪದಿಗೆ ಒಪ್ಪಿಸಲಾಗಿದೆ ಎಂದು ತಿಳಿಸಿದ್ದಾರೆ.
