ಭಾಷಣದಲ್ಲಿ ಕಾಂಗ್ರೆಸ್ ಪಕ್ಷವನ್ನು ಚುಚ್ಚಿದ ಪ್ರಧಾನಿ ಮೋದಿ

ರಾಷ್ಟ್ರಪತಿ ಭಾಷಣದ ಚರ್ಚೆಗೆ ಉತ್ತರಿಸುತ್ತಿದ್ದ ಪ್ರಧಾನಿ ಮೋದಿ ಕಾಂಗ್ರೆಸ್ ಪಕ್ಷದ ವಿರುದ್ಧ ಚುಚ್ಚಿ ಮಾತನಾಡಿದರು. ಅವರ ಚುಚ್ಚುಮಾತುಗಳ ಸಾರಾಂಶ ಹೀಗಿದೆ.

1.. ನರೇಗಾ ಯೋಜನೆಯನ್ನು ನಾವು ನಿಲ್ಲಿಸುವುದಿಲ್ಲ. ಇದು ಕಾಂಗ್ರೆಸ್ ವೈಫಲ್ಯದ ಜೀವಂತ ಉದಾಹರಣೆ. ಅಧಿಕಾರದಲ್ಲಿ ಅನೇಕ ವರ್ಷಗಳ ಬಳಿಕ ತಿಂಗಳಿಗೆ ಕೆಲವು ದಿನಗಳು ಬಡ ವ್ಯಕ್ತಿ ಹಳ್ಳಗಳನ್ನು ತೋಡುವುದಕ್ಕೆ ಮಾತ್ರ ಅವಕಾಶ ಮಾಡಿಕೊಟ್ಟಿರಿ.ನನ್ನ ರಾಜಕೀಯ ಆತ್ಮಸಾಕ್ಷಿಯು ನರೇಗಾ ಯೋಜನೆಯನ್ನು ರದ್ದು ಮಾಡಬೇಡಿ ಎಂದು ಹೇಳುತ್ತಿದೆ

 2. ಕಾಂಗ್ರೆಸ್ ಇತಿಹಾಸದಲ್ಲಿ ಅಷ್ಟೊಂದು ಕಳಪೆಯಾಗಿ ಚುನಾವಣೆ ಫಲಿತಾಂಶ ನೀಡಿರಲಿಲ್ಲ. ನಿಮ್ಮ ಭೂ  ಕಾಯ್ದೆಯೊಂದಿಗೆ ಜನರ ಬಳಿ ಹೋಗಿ ಸೋತಿದ್ದೀರಿ. 

3. 1947ರಲ್ಲಿ ದೇಶ ಹುಟ್ಟಿತೆಂದು ನಾವು ನಂಬುವುದಿಲ್ಲ. ಇದು ಸಾವಿರಾರು ವರ್ಷಗಳ ಹಿಂದೆ ಜನ್ಮತಾಳಿದೆ. ಸರ್ಕಾರಗಳು ಬರುತ್ತವೆ, ಹೋಗುತ್ತವೆ, ರಾಷ್ಟ್ರವನ್ನು ಜನರು ಬಲದಿಂದ ಸಾಮರ್ಥ್ಯದಿಂದ ನಿರ್ಮಿಸುತ್ತಾರೆ.

4. ಕಪ್ಪು ಹಣದ ಬಗ್ಗೆ ಮಾತನಾಡುವುದನ್ನು ತಪ್ಪಿಸುತ್ತಿದ್ದ ಜನರೇ ಈಗ ಕಪ್ಪು ಹಣದ ಬಗ್ಗೆ ಮಾತನಾಡುತ್ತಿದ್ದಾರೆ. ನಾವು ಕಪ್ಪು ಹಣವನ್ನು ರಾಷ್ಟ್ರೀಯ ಕಾರ್ಯಸೂಚಿಯಲ್ಲಿ ಇರಿಸಿರುವುದೇ ಮಹತ್ತರ ಯಶಸ್ಸು ಎಂದು ಪ್ರಧಾನಿ ನುಡಿದರು.