ಗುಜರಾತ್‍‌ನ ನರೇಂದ್ರ ಮೋದಿ ಆಡಳಿತಕ್ಕಿಂತ ನನ್ನ ಆಡಳಿತವೇ ಉತ್ತಮವಾಗಿದೆ ಎಂದು ಇತ್ತೀಚಿಗೆ ಹೇಳಿಕೆ ನೀಡಿದ್ದ ತಮಿಳುನಾಡಿನ ಮುಖ್ಯಮಂತ್ರಿ ಮತ್ತು ಎಐಡಿಎಂಕೆ ನಾಯಕಿ ಜಯಲಲಿತಾ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಬಿಜೆಪಿಯ ಹಿರಿಯ ನಾಯಕ ವೆಂಕಯ್ಯ ನಾಯ್ಡು ಆ ಲೇಡಿ( ಮಹಿಳೆ) ತಮಿಳುನಾಡಿಗೆ ಅಷ್ಟೇ ಸೂಕ್ತ, ಆದರೆ ಮೋದಿ ಇಡೀ ದೇಶಕ್ಕೆ ಸೂಕ್ತ ಎಂದು ಹೇಳಿದ್ದಾರೆ.
"... ಲೇಡಿ ಲೇಡಿಯೇ, ಮೋದಿ ಮೋದಿಯೇ. ಅದರ ಬಗ್ಗೆ ಯಾವುದೇ ಸಂಶಯವಿಲ್ಲ. ಲೇಡಿ ಈ ರಾಜ್ಯಕ್ಕೆ ಸೂಕ್ತವಾಗಿದ್ದಾರೆ ಅದನ್ನು ನಾನು ಒಪ್ಪುತ್ತೇನೆ. ಆದ್ದರಿಂದ ಜನರು ಆಕೆಗೆ ಮತ ನೀಡಿದ್ದಾರೆ. ಆದರೆ ಮೋದಿ, ದೇಶದ ಆಡಳಿತಕ್ಕೆ ಸೂಕ್ತರಾಗಿದ್ದಾರೆ " ಎಂದು ನಾಯ್ಡು ಸುದ್ದಿಗಾರರಿಗೆ ತಿಳಿಸಿದ್ದಾರೆ.
