ಪ್ರಧಾನಮಂತ್ರಿ ಪ್ರತಿದಿನ ನಿಂಬೆಪಾನಕ, ಜೇನುತುಪ್ಪ ಹಾಗೂ ಒಂದು ಕಪ್ ಚಹಾವನ್ನು ನವರಾತ್ರಿ ಉತ್ಸವದ ಉದ್ದಕ್ಕೂ(ಸೆ.25ರಿಂದ ಅಕ್ಟೋಬರ್ 3) ಸೇವಿಸಲಿದ್ದಾರೆ. ಅಮೆರಿಕ ಪ್ರವಾಸ ಮಾಡುತ್ತಿರುವುದರಿಂದ ಪಥ್ಯದಲ್ಲಿ ಬದಲಾವಣೆ ಮಾಡಿ ಹಣ್ಣುಗಳನ್ನು ಮತ್ತು ತಂಪುಪಾನೀಯಗಳನ್ನು ತಿನ್ನಿರಿ ಎಂದು ವೈದ್ಯರು ಸಲಹೆ ಮಾಡಿದ್ರೂ ಮೋದಿ ಸುತಾರಾಂ ಒಪ್ತಿಲ್ಲವಂತೆ.
ನವರಾತ್ರಿಯ ವೇಳಾಪಟ್ಟಿಯಲ್ಲಿ ನ್ಯೂಯಾರ್ಕ್ ಮ್ಯಾಡಿಸನ್ ಚೌಕದಲ್ಲಿ ಭಾರತೀಯ ಅಮೆರಿಕನ್ನರ ರ್ಯಾಲಿ, ವಿಶ್ವಸಂಸ್ಥೆ ಸಾಮಾನ್ಯ ಸಭೆ ಮತ್ತು ಬರಾಕ್ ಒಬಾಮಾ ಜೊತೆ ಮಾತುಕತೆ ಎಲ್ಲವೂ ಒಳಗೊಂಡಿದ್ದು, ಕೇವಲ ದ್ರವಾಹಾರ ಸೇವನೆ ಮಾಡಿ ಇವೆಲ್ಲವನ್ನೂ ನಿಭಾಯಿಸಬೇಕಿದೆ.ಮೋದಿಯ ಕೆಲವು ಹಿತರಕ್ಷಕರು ವಿಟಮಿನ್ ನೀರನ್ನಾದರೂ ಕುಡಿಯಿರಿ ಎಂದು ಸಲಹೆ ಮಾಡಿದ್ದರೂ ಮೋದಿ ಅದಕ್ಕೆ ಹೌದು ಅಥವಾ ಇಲ್ಲವೆಂದೂ ಉತ್ತರಿಸಿಲ್ಲ.