ಮಾಜಿ ಲೋಕಸಭಾ ಸ್ಪೀಕರ್, ಹಿರಿಯ ಸಂಸದೀಯ ಪಟು, ಮೇಘಾಲಯದ ಮಾಜಿ ಮುಖ್ಯಮಂತ್ರಿ ಪಿ. ಎ. ಸಂಗ್ಮಾ ಶುಕ್ರವಾರ ಮುಂಜಾನೆ ವಿಧಿವಶರಾಗಿದ್ದಾರೆ. 68 ವರ್ಷದ ಹಿರಿಯ ನಾಯಕ ಹೃದಯಾಘಾತದಿಂದ ತಮ್ಮ ನಿವಾಸದಲ್ಲಿ ಮರಣವನ್ನಪ್ಪಿದ್ದಾರೆ. ಮೇಘಾಲಯದ ಗಾರೋ ಹಿಲ್ಸ್ ಜಿಲ್ಲೆಯಲ್ಲಿರುವ ಚಪಾಹಟಿ ಗ್ರಾಮದ ಬಡ ಕುಟುಂಬವೊಂದರಲ್ಲಿ 1947 ಸಪ್ಟೆಂಬರ್ 1ರಂದು ಅವರು ಜನಿಸಿದ್ದರು.
ರಾಜಕೀಯಕ್ಕೆ ಪ್ರವೇಶಿಸುವ ಮೊದಲು ಅಧ್ಯಾಪಕರಾಗಿ, ವಕೀಲರಾಗಿ ಅವರು ಕಾರ್ಯ ನಿರ್ವಹಿಸಿದ್ದರು.ಮೇಘಾಲಯದ ಮಾಜಿ ಮುಖ್ಯಮಂತ್ರಿಯಾಗಿದ್ದ (1988-1990) ಸಂಗ್ಮಾ ಅವರು 8 ಬಾರಿ ಲೋಕಸಭೆಗೆ ಆಯ್ಕೆಯಾಗಿದ್ದರು.ತಮ್ಮ 49ನೇ ವಯಸ್ಸಿನಲ್ಲಿ 16 ನೇ ಲೋಕಸಭಾ ಸ್ಪೀಕರ್ (1996- 1998) ಸ್ಥಾನಕ್ಕೇರಿದ ಸಂಗ್ಮಾ , ಅತೀ ಕಿರಿಯ ವಯಸ್ಸಿನ ಸ್ಪೀಕರ್ ಎಂಬ ಎಂಬ ಹೆಗ್ಗಳಿಕೆ ಹೊಂದಿದ್ದಾರೆ.