ಮೋದಿ ಸಚಿವ ಸಂಪುಟದಲ್ಲಿ ಕಾಣಿಸಿಕೊಳ್ಳಲಿರುವ ಹೊಸ ಮುಖಗಳಲ್ಲಿ ಹಜಾರಿಬಾಗ್ ಸಂಸದ, ಮಾಜಿ ಹಣಕಾಸು ಮಂತ್ರಿ ಯಶವಂತ್ ಸಿನ್ಹಾರವರ ಪುತ್ರ ಜಯಂತ್ ಸಿನ್ಹಾ ಸೇರ್ಪಡೆಯಾಗುವ ಸಾಧ್ಯತೆ ಇದೆ. ಅಲ್ಲದೇ ಬಿಜೆಪಿ ಅಧ್ಯಕ್ಷ ಗಾದಿಯ ರೇಸ್‌ನಲ್ಲಿ ಅಮಿತ್ ಶಾರವರ ಹಿಂದೆ ಇದ್ದ ಜೆಪಿ ನಡ್ಡಾರವರಿಗೆ ಕೂಡಾ ಸಚಿವ ಪದವಿ ದೊರಕುವ ಅವಕಾಶಗಳಿವೆ ಎಂದು ಮಾಹಿತಿ ಲಭಿಸಿದೆ.
ಹಿರಿಯ ಮಂತ್ರಿಗಳ ಖಾತೆಗಳನ್ನು ಮೋದಿಯವರು ಬದಲಾವಣೆ ಮಾಡಲಿದ್ದಾರೆ ಎಂದು ನಿರೀಕ್ಷಿಸಲಾಗಿದ್ದು, ಎರಡು, ಮೂರು ಸಚಿವಾಲಯಗಳನ್ನು ನೋಡಿಕೊಳ್ಳುತ್ತಿರುವ ಮಂತ್ರಿಗಳ ಹೊರೆಯನ್ನು ಕಡಿಮೆಗೊಳಿಸಲಿದ್ದಾರೆ.
