ರಾಜಕಾರಣಿಗಳು ನನ್ನ ದೇಹವನ್ನು ಬಳಸಿಕೊಂಡಿದ್ದಾರೆ: ಸರಿತಾ ನಾಯರ್

ಹಲವಾರು ರಾಜಕಾರಣಿಗಳು ನನ್ನೊಂದಿಗೆ ಸೆಕ್ಸ್‌ನಲ್ಲಿ ಪಾಲ್ಗೊಂಡಿದ್ದಲ್ಲದೇ ಮಾನಸಿಕವಾಗಿ ನನ್ನನ್ನು ಬಳಸಿಕೊಂಡಿದ್ದಾರೆ ಎಂದು ಕೇರಳದಲ್ಲಿ ನಡೆದ ಸೋಲಾರ ಹಗರಣದಲ್ಲಿ ಪ್ರಮುಖ ಆರೋಪಿಯಾದ ಸರಿತಾ ನಾಯರ್, ನ್ಯಾಯಾಂಗದ ಆಯೋಗದ ಮುಂದೆ ತಿಳಿಸಿದ್ದಾರೆ.

ನಾಯರ್, ತಮ್ಮ ಆರೋಪಗಳನ್ನು ಸಾಬೀತುಪಡಿಸುವ ಸಿಡಿ ಮತ್ತು ದಾಖಲೆಗಳನ್ನು ಆಯೋಗಕ್ಕೆ ನೀಡಿದ್ದಾರೆ. ಆಮಿಷ ತೋರಿಸಿ ಹಲವಾರು ರಾಜಕಾರಣಿಗಳು ನನ್ನ ದೇಹವನ್ನು ಬಳಸಿಕೊಂಡಿದ್ದಾರೆ ಎಂದು ಬಾಂಬ್ ಸಿಡಿಸಿದ್ದಾರೆ.

ಕಾಂಗ್ರೆಸ್ ಮುಖಂಡ ಥಂಪಾನೂರ್ ರವಿ, ಕಾಂಗ್ರೆಸ್ ಶಾಸಕ ಬೆನ್ನಿ ಬೆಹನಾನ್, ಓಮ್ಮನ್ ಚಾಂಡಿ, ಉಚ್ಚಾಟಿತ ಭದ್ರತಾ ಸಿಬ್ಬಂದಿ ಸಲೀಮ್ ರಾಜ್,. ಉದ್ಯಮಿ ಅಬ್ರಾಹಂ ಕಲ್ಲಿಮನ್ನೆಲ್ ಅವರು ನನ್ನೊಂದಿಗಿರುವ ಆಡಿಯೋ ಮತ್ತು ವಿಡಿಯೋಗಳನ್ನು ನ್ಯಾಯಾಂಗದ ಆಯೋಗಕ್ಕೆ ಒಪ್ಪಿಸಿದ್ದೇನೆ ಎಂದು ಮಾಹಿತಿ ಸರಿತಾ ನಾಯರ್ ಹೇಳಿದ್ದಾರೆ.

ಸರಿತಾ ನಾಯರ್ ಆರೋಪಗಳಲ್ಲಿ ಸತ್ಯಾಂಶವಿಲ್ಲ. ಸರಕಾರಕ್ಕೆ ಕೆಟ್ಟ ಹೆಸರು ತರುವ ಉದ್ದೇಶದಿಂದ ಇಂತಹ ಆರೋಪಗಳನ್ನು ಮಾಡುತ್ತಿದ್ದಾರೆ ಎಂದು ಕಾಂಗ್ರೆಸ್ ಮುಖಂಡರು ತಿರುಗೇಟು ನೀಡಿದ್ದಾರೆ.

ವಿಪಕ್ಷಗಳ ನಾಯಕರ ಒತ್ತಡದಿಂದಾಗಿ ಸರಿತಾ ನಾಯರ್ ಇಂತಹ ಚಟುವಟಿಕೆಯಲ್ಲಿ ತೊಡಗಿದ್ದಾರೆ. ಆದ್ದರಿಂದಲೇ ಹೈಕೋರ್ಟ್ ಪ್ರಕರಣಕ್ಕೆ ತಡೆಯಾಜ್ಞೆ ನೀಡಿದೆ ಎಂದು ಮುಖ್ಯಮಂತ್ರಿ ಓಮನ್ ಚಾಂಡಿ ಹೇಳಿದ್ದಾರೆ.