ಬಡತನಕ್ಕೆ ಬೆದರಿ ಹೆತ್ತ ಮಕ್ಕಳನ್ನು, ದೇಹದ ಅಂಗಗಳನ್ನು ಮಾರಾಟಕ್ಕಿಟ್ಟ ಘಟನೆಗಳನ್ನು ನೀವು ಓದೇ ಇರುತ್ತಿರಿ. ಆದರೆ ಇಲ್ಲೊಬ್ಬಳು ಯವತಿ ಸುಡುತ್ತಿರುವ ದಾರಿದ್ರ್ಯಕ್ಕೆ ಬಸವಳಿದು ತನ್ನನ್ನೇ ತಾನೇ ಮಾರಾಟಕ್ಕಿಟ್ಟಿದ್ದಾಳೆ ಎಂದರೆ..... ಅದು ಕೂಡ ಸಾಮಾಜಿಕ ಜಾಲತಾಣ ಫೇಸ್ಬುಕ್ ಮೂಲಕ.
ಇಡೀ ದೇಶವೇ ತಲೆತಗ್ಗಿಸುವಂತ ಈ ಘಟನೆ ನಡೆದಿರುವುದು ಪ್ರಧಾನಿ ನರೇಂದ್ರ ಮೋದಿ ಅವರ ತವರು ವಡೋದರಾದಲ್ಲಿ. ಬಡ ಯುವತಿ ಚಾಂದನಿಗೆ ಬಡತನ ಎಷ್ಟರ ಮಟ್ಟಿಗೆ ಬಾಧಿಸಿದೆ ಎಂದರೆ ಬದುಕಲು ದಾರಿ ಕಾಣದ ಆಕೆ ತನ್ನನ್ನು ತಾನೇ ಮಾರಾಟಕ್ಕಿಟ್ಟಿದ್ದಾಳೆ.. ಹೌದು, ಹಣಕ್ಕಾಗಿ ಚಾಂದನಿ ಫೇಸ್ಬುಕ್ ಮೂಲ ತನ್ನನ್ನೇ ಮಾರಿಕೊಳ್ಳಲು ಮುಂದಾಗಿದ್ದಾಳೆ.
‘ನನ್ನ ಹೆಸರು ಚಾಂದನಿ ರಾಜ್’ಗೌರ್. ನನ್ನ ಅಮ್ಮನಿಗೆ ಲಕ್ವಾ ಹೊಡೆದಿದೆ. ಮನೆ ನಡೆಸುತ್ತಿದ್ದ ತಂದೆ ಕೆಲ ದಿನಗಳ ಹಿಂದೆ ಅಪಘಾತಕ್ಕೊಳಗಾಗಿದ್ದಾರೆ. ಇಬ್ಬರೂ ಹಾಸಿಗೆ ಹಿಡಿದಿದ್ದು, ಅವರ ಚಿಕಿತ್ಸೆಗೆ, ಆರೈಕೆಗೆ ಮತ್ತು ಹೊಟ್ಟೆಗೆ ತಿನ್ನಲು ನನ್ನ ಬಳಿ ಕೆಲಸ, ಹಣ, ಆಸ್ತಿ ಏನೂ ಇಲ್ಲ. ನಮಗೆ ಯಾರ ಬೆಂಬಲ, ಸಹಾಯವೂ ಇಲ್ಲ . ಬೇರೆ ದಾರಿ ಕಾಣುತ್ತಿಲ್ಲ. ಹಾಗಾಗಿ ನಾನು ನನ್ನನ್ನೇ ಮಾರಾಟಕ್ಕಿಟ್ಟಿದ್ದೇನೆ. ಖರೀದಿಸಲು ಇಚ್ಛಿಸುವವರು ಸಂಪರ್ಕಿಸಿ’- ಚಾಂದನಿ