ಈಗಾಗಲೇ ಗುಜರಾತ್, ಮಧ್ಯಪ್ರದೇಶ್, ಪಶ್ಚಿಮ ಬಂಗಾಳ, ರಾಜಸ್ಥಾನಗಳ 100 ಕ್ಕೂ ಹೆಚ್ಚು ಗ್ರಾಮಗಳಲ್ಲಿ ಗೋಶಾಲೆಗಳಿಗಾಗಿ ಜಾಗಗಳನ್ನು ಗುರುತಿಸಲಾಗಿದ್ದು ದೇಶಾದ್ಯಂತ 120ಕ್ಕೂ ಹೆಚ್ಚು ಗೋಶಾಲೆಗಳನ್ನು ನಿರ್ಮಿಸಲು ಸಂಘ ನಿರ್ಧರಿಸಿದೆ.
ಗ್ರಾಮಗಳಲ್ಲಿ ಸ್ಥಾಪಿತವಾಗುವ ಈ ಗೋಶಾಲೆಗಳ ಹೊಣೆಯನ್ನು ಗ್ರಾಮಸ್ಥರೇ ಹೊರಬೇಕು ಎಂದಿರುವ ಸಂಘ ಇದಕ್ಕೆ ಪ್ರತಿಯಾಗಿ ಅವರಿಗೆ ಹಾಲು, ಹಾಲಿನ ಉತ್ಪನ್ನ ಮತ್ತು ಗೋಬರ್ ಗ್ಯಾಸ್ ಒದಗಿಸುವ ಭರವಸೆ ನೀಡಿದೆ. ಗೋಕುಲ ಗುರುಕುಲಗಳನ್ನು ಪ್ರಾರಂಭಿಸಲು ಸಹ ಸಂಘ ಯೋಜನೆ ರೂಪಿಸುತ್ತಿದೆ.