ರೇಪ್ ಆರೋಪಿ ಶಾಸಕನನ್ನು ಪಕ್ಷದಿಂದ ಅಮಾನತುಗೊಳಿಸಿದ ಆರ್‌ಜೆಡಿ

ಅಪ್ರಾಪ್ತಳ ಮೇಲೆ ಅತ್ಯಾಚಾರ ಎಸಗಿರುವ ಆರೋಪ ಹೊತ್ತಿರುವ ಶಾಸಕ ರಾಜವಲ್ಲಭ್ ಯಾದವ್ ಅವರನ್ನು ಆರ್‌ಜೆಡಿ ಪಕ್ಷದಿಂದ ಅಮಾನತುಗೊಳಿಸಿದೆ.

ಕೇಂದ್ರ ಡಿಐಜಿ ಶಾಲಿನ್, ಪರಿಚ್ಛೇದ 376(ಅತ್ಯಾಚಾರ) 420(ವಂಚನೆ) ಮತ್ತು ಲೈಂಗಿಕ ದೌರ್ಜನ್ಯದಿಂದ ಮಕ್ಕಳ ರಕ್ಷಣಾ ಕಾಯಿದೆ ಅಡಿಯಲ್ಲಿ ಪ್ರಕರಣ ದಾಖಲಿಸುವಂತೆ ಪ್ರಕರಣ ದಾಖಲಿಸುವಂತೆ ಆದೇಶಿಸುವುದರಿಂದ ರಾಜವಲ್ಲಭ್ ಬಂಧನದ ಭೀತಿಗೊಳಗಾಗಿದ್ದಾರೆ. 

ಶಾಸಕನ ವಿರುದ್ಧದ ಆರೋಪಗಳು ಪ್ರಾಥಮಿಕ ತನಿಖೆಯಲ್ಲಿ ಸತ್ಯವೆಂದು ಸಾಬೀತಾಗಿದ್ದ ಹಿನ್ನೆಲೆಯಲ್ಲಿ ಡಿಐಜಿ ಈ ಆದೇಶವನ್ನು ನೀಡಿದ್ದರು. 

ವೃದ್ಧ ಮಹಿಳೆಯೊಬ್ಬರು 30,000 ರೂಪಾಯಿಗಳಿಗೆ ನನ್ನನ್ನು ಶಾಸಕನಿಗೆ ಮಾರಿದ್ದರು. ಆ ಬಳಿಕ ಶಾಸಕ ನಿರಂತರವಾಗಿ ಅತ್ಯಾಚಾರವೆಸಗಿದ್ದ ಎಂದು 15ರ ಹರೆಯದ ಪುಟ್ಟ ಬಾಲಕಿ ಫೆಬ್ರವರಿ 9 ರಂದು ಶಾಸಕನ ವಿರುದ್ಧ ದೂರು ದಾಖಲಿಸಿದ್ದಳು. ಶಾಸಕನನ್ನು ವಿಳಂಬ ಮಾಡದೆ ತತ್‌ಕ್ಷಣ ಬಂಧಿಸಬೇಕೆಂದು ಡಿಐಜಿ ಸೂಚಿಸಿದ್ದಾರೆ.