ದೇಶದಾದ್ಯಂತ ಭಾರಿ ಸದ್ದು ಮಾಡಿದ್ದ ಶೀನಾ ಬೋರಾ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಂದ್ರಾಣಿ ಮುಖರ್ಜಿ ಮತ್ತು ಆಕೆಯ ಹಾಲಿ ಪತಿ ಪೀಟರ್ ಮುಖರ್ಜಿ, ಎರಡನೆಯ ಪತಿ ಸಂಜೀವ್ ಖನ್ನಾ ವಿರುದ್ಧ ಸಿಬಿಐ ವಿಶೇಷ ನ್ಯಾಯಾಲಯ ದೋಷಾರೋಪವನ್ನು ಹೊರಿಸಿದೆ. ಫೆಬ್ರವರಿ 1ರಿಂದ ಸಿಬಿಐ ವಿಶೇಷ ಕೋರ್ಟ್ನಲ್ಲಿ ವಿಚಾರಣೆ ಆರಂಭಗೊಳ್ಳಲಿದೆ.
ಮೂವರು ಆರೋಪಿಗಳ ವಿರುದ್ಧ ಭಾರತೀಯ ದಂಡ ಸಂಹಿತೆ 120(ಬಿ) (ಅಪರಾಧ ಸಂಚು), 365(ಅಪಹರಣ) 302(ಕೊಲೆ), 34(ಉದ್ದೇಶಪೂರ್ವ ಕೃತ್ಯ), 2013 (ತಪ್ಪು ಮಾಹಿತಿ ನೀಡುವಿಕೆ) 201(ಸಾಕ್ಷ್ಯಾಧಾರ ನಾಶ) ಅಡಿಯಲ್ಲಿ ಪ್ರಕರಣಗಳನ್ನು ದಾಖಲಿಸಲಾಗಿದೆ.