ಖಾರಿನಾಸಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಡಿ ಬರುವ ಹರಿಯಾಬಂಕಾದ ಸರ್ಕಾರಿ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಶನಿವಾರ ಮಧ್ಯಾಹ್ನ ಶಾಲಾವಧಿ ಮುಗಿದ ಮೇಲೆ ಶಿಕ್ಷಕರು ಎಲ್ಲ ತರಗತಿಗಳ ಬೀಗ ಹಾಕಿ ಮನೆಗೆ ಹೋಗಿದ್ದಾರೆ. ಆದರೆ ಕೊಠಡಿಯೊಂದರಲ್ಲಿ 6 ವರ್ಷದ ಮಗು ಬಂಧಿಯಾಗಿಬಿಟ್ಟಿದೆ. ತಾನು ಒಬ್ಬಳೇ ಸಿಕ್ಕಿ ಹಾಕಿಕೊಂಡಿದ್ದೇನೆ ಎಂದು ಮಗುವಿಗೆ ಅರಿವಾಗುವಷ್ಟರಲ್ಲಿ ಎಲ್ಲರೂ ಹೊರಟು ಹೋಗಿಯಾಗಿತ್ತು. 3 ಗಂಟೆಗಳ ಕಾಲ ಮಾತ್ರ ಮಗುವಿಗೆ ಅತ್ಯಂತ ಭಯಾನಕವಾಗಿತ್ತು.
ಮಗುವಿನ ಕಿರುಚಾಟವನ್ನು ಕೇಳಿದ ಸ್ಥಳೀಯರು ಕೊಠಡಿಯ ಬಾಗಿಲು ಮುರಿದು ಆಕೆಯನ್ನು ಹೊರ ಕರೆತಂದಿದ್ದಾರೆ. ಘಟನೆಯಿಂದ ಗ್ರಾಮದಲ್ಲಿ ಉದ್ರಿಕ್ತ ವಾತಾವರಣ ನಿರ್ಮಾಣವಾಗಿದ್ದು ಪ್ರತಿಭಟನೆ ಕೈಗೊಂಡ ಗ್ರಾಮಸ್ಥರು ಶಾಲೆಯ ಶಿಕ್ಷಕ, ಶಿಕ್ಷಕಿಯರನ್ನು ಸೋಮವಾರ ಶಾಲೆಯ ಒಳಗೆ ಪ್ರವೇಶಿಸಲು ಬಿಡಲಿಲ್ಲ. ತಪ್ಪಿತಸ್ಥ ಶಿಕ್ಷಕರ ವಿರುದ್ಧ ಕಠಿಣ ಕ್ರಮವನ್ನು ಕೈಗೊಳ್ಳುವಂತೆ ಅವರು ಆಗ್ರಹಿಸಿದ್ದಾರೆ.