ಬಿಜೆಪಿ ಮುಖಂಡ ಕೈಲಾಶ್ ವಿಜಯವರ್ಗೀಯ ಬಾಲಿವುಡ್ ನಟ ಶಾರುಕ್ ಖಾನ್ ಬಗ್ಗೆ ನೀಡಿದ ಹೇಳಿಕೆ ವಿರುದ್ಧ ವಾಗ್ದಾಳಿ ನಡೆಸಿದ ಕಾಂಗ್ರೆಸ್, ಶಾರುಕ್ ಖಾನ್ ಸ್ವಾತಂತ್ರ್ಯ ಹೋರಾಟಗಾರರ ಕುಟುಂಬದಿಂದ ಬಂದವರು ಅದು ಹೇಗೆ ಪಾಕಿಸ್ತಾನಿಯರಾಗುತ್ತಾರೆ ಎಂದು ಕಿಡಿಕಾರಿದೆ.
ಬಾಲಿವುಡ್ ಸೂಪರ್ ಸ್ಟಾರ್ ಶಾರುಕ್ ವಿರುದ್ಧ ಬೇಜವಾಬ್ದಾರಿ ಹೇಳಿಕೆ ನೀಡಿದವರೆಲ್ಲರಿಗೂ ನನ್ನ ಹೇಳಿಕೆ ಅನ್ವಯವಾಗುತ್ತದೆ. ಶಾರುಕ್ ಖಾನ್ ಸ್ವಾತಂತ್ರ್ಯ ಹೋರಾಟಗಾರರ ಕುಟುಂಬದಿಂದ ಬಂದವರು. ಅವರು ಹೇಗೆ ಪಾಕಿಸ್ತಾನಿಯಾಗುತ್ತಾರೆ. ಮತ್ತೊಂದೆಡೆ ಆರೋಪ ಮಾಡುತ್ತಿರುವವರ ಕುಟುಂಬದ ಯಾರೊಬ್ಬರು ಸ್ವಾತಂತ್ರ್ಯಕ್ಕಾಗಿ ಹೋರಾಟ ಮಾಡಿಲ್ಲ. ನಿಮ್ಮನ್ನು ನೀವು ಹೇಗೆ ದೇಶಭಕ್ತ ಎಂದು ಕರೆದುಕೊಳ್ಳುತ್ತೀರಿ? ಎಂದು ಕಾಂಗ್ರೆಸ್ ಮುಖಂಡ ರಷೀದ್ ಅಳ್ವಿ ಹೇಳಿದ್ದಾರೆ.