ಕನ್ಹೈಯಾ ಪರ ಧ್ವನಿ ಎತ್ತುವುದನ್ನು ನಿಲ್ಲಿಸಿ: ಶತ್ರುಘ್ನ ಸಿನ್ಹಾಗೆ ಬಿಜೆಪಿ ಸಂಸದ ತಾಕೀತು

ಅಫ್ಜಲ್ ಗುರು ಪರ ಘೋಷಣೆಗಳನ್ನು ಕೂಗಿದ ಆರೋಪ ಮೇಲೆ ಬಂಧಿತನಾಗಿರುವ ಕನ್ಹೈಯ್ಯ ಕುಮಾರ ಬೆಂಬಲಕ್ಕೆ ನಿಂತಿರುವ ತಮ್ಮದೇ ಪಕ್ಷದ ಸಂಸದ ಶತ್ರುಘ್ನ ಸಿನ್ಹಾ ಅವರ ಮೇಲೆ ಬಿಜೆಪಿ ಸಂಸದ ಬೋಲಾ ಸಿಂಗ್ ಕಿಡಿಕಾರಿದ್ದಾರೆ. 

ಕನ್ಹೈಯ್ಯನ ಪರ ಧ್ವನಿ ಎತ್ತುವುದನ್ನು ನಿಲ್ಲಿಸಿ, ನಿಮ್ಮ ಮಾತುಗಳನ್ನು ಯಾರು ಕೂಡ ಗಂಭೀರವಾಗಿ ತೆಗೆದುಕೊಳ್ಳಲಾರರು ಎಂದು ಸಿಂಗ್ ಸಿನ್ಹಾ ಅವರನ್ನುದ್ದೇಶಿಸಿ ಹೇಳಿದ್ದಾರೆ. 

ನಟ ಪರಿವರ್ತಿತ ಸಿನ್ಹಾ ಅವರನ್ನು ಈಗ ಯಾರು ಕೂಡ ಗಂಭೀರವಾಗಿ ಪರಿಗಣಿಸುತ್ತಿಲ್ಲ. ಅವರ ತೆರೆಯ ಮೇಲೆ ಏನೇನನ್ನೋ ಮಾತನಾಡುತ್ತಾರೆ ಮತ್ತೆ ಕೊನೆಗೆ ಹೊರ ಬಂದು ತಾವು ಹೇಳಿದ್ದನ್ನು ತಳ್ಳಿ ಹಾಕುತ್ತಾರೆ ಎಂದು ಬಿಜೆಪಿ ಸಂಸದ ಆರೋಪಿಸಿದ್ದಾರೆ. 

ನಮ್ಮ ದೇಶದ ವಿರುದ್ಧ ಕೆಲಸ ಮಾಡುವ ಅನೇಕ ದೇಶವಿರೋಧಿ ಶಕ್ತಿಗಳಿವೆ. ಜೆಎನ್‌ಯು ಸಹ ರಾಷ್ಟ್ರದ್ರೋಹಿ ಶಕ್ತಿಗಳ ಅಡಗುತಾಣವಾಗಿ ಬಿಟ್ಟಿದೆ. ಕನ್ಹೈಯ್ಯಾ ಕೂಡ ಆ ಗುಂಪಿಗೆ ಸೇರಿದ್ದಾನೆ ಎಂದಿದ್ದಾರೆ ಸಿಂಗ್.