ತೆಲಂಗಾಣ ವಿಧಾನಸಭೆ ಪ್ರವೇಶಕ್ಕೆ ಟಿಡಿಪಿ ಶಾಸಕರಿಗೆ ನಿಷೇಧ

ತೆಲುಗು ದೇಶಂ ಪಕ್ಷದ ಶಾಸಕರನ್ನು ವಿಧಾನಸಭೆ ಪ್ರವೇಶಿಸದಂತೆ ತಡೆದ ಹಿನ್ನೆಲೆಯಲ್ಲಿ ವಿಧಾನಸಭೆಯಲ್ಲಿ ಕೋಲಾಹಲ, ಉದ್ರಿಕ್ತ ವಾತಾವರಣ ಸೃಷ್ಟಿಯಾಗಿದೆ

ಬಜೆಟ್ ಅಧಿವೇಶನದಲ್ಲಿ ತೋರಿದ ವರ್ತನೆಯಿಂದಾಗಿ ಸ್ಪೀಕರ್‌ನಿಂದ ಸಂಪೂರ್ಣ ಬಜೆಟ್ ಅದಿವೇಶನದಿಂದ ಅಮಾನತ್ತುಗೊಂಡ ತೆಲುಗು ದೇಶಂ ಪಕ್ಷದ 10 ಶಾಸಕರನ್ನು ಭದ್ರತಾ ಸಿಬ್ಬಂದಿ ಸಚಿವಾಲಯ ಪ್ರವೇಶಿಸಿದಂತೆ ತಡೆದಿದ್ದರಿಂದ ಮುಜುಗರ ಪರಿಸ್ಥಿತಿ ಎದುರಿಸುವಂತಾಯಿತು.

ವಿಧಾನಸಭೆ ಪ್ರವೇಶಕ್ಕ ತಡೆಯೊಡ್ಡಿದ ಭದ್ರತಾ ಸಿಬ್ಬಂದಿಯ ವಿರುದ್ಧ 10 ಮಂದಿ ತೆಲುಗು ದೇಶಂ ಪಕ್ಷದ ಶಾಸಕರು ವಾಗ್ವಾದದಲ್ಲಿ ತೊಡಗಿದ್ದರಿಂದ, ಪೊಲೀಸರು ಮಧ್ಯಪ್ರವೇಶಿಸಿ ಶಾಸಕರನ್ನು ಹೊರಕಳುಹಿಸಿದ್ದಾರೆ.

ರಾಜ್ಯಪಾಲರು ಭಾಷಣ ಸಂದರ್ಭದಲ್ಲಿ ರಾಷ್ಟ್ರಗೀತೆ ಮೊಳಗುತ್ತಿರುವಾಗ ತೆಲುಗು ದೇಶಂ ಶಾಸಕರು ಅಡ್ಡಿಪಡಿಸಿದ್ದರಿಂದ ರಾಷ್ಟ್ರಗೀತೆಗೆ ಅಪಮಾನವಾದ ಹಿನ್ನೆಲೆಯಲ್ಲಿ ಶಾಸಕರಿಗೆ ಸಂಪೂರ್ಣ ಬಜೆಟ್ ಅಧಿವೇಶನಕ್ಕೆ ನಿಷೇಧ ಹೇರಲಾಗಿದೆ.