ಸಹೋದರಿಯರ ಮೇಲೆ ಮೂವರು ಯುವಕರಿಂದ ಸಾಮೂಹಿಕ ಬಲಾತ್ಕಾರ

ಮನೆಗೆ ಹಿಂತಿರುಗುತ್ತಿದ್ದ ಇಬ್ಬರು ಸಹೋದರಿಯರ ಮೇಲೆ ಮೂರು ಜನ ಕಾಮುಕರು ಸೇರಿ ಅತ್ಯಾಚಾರ ನಡೆಸಿದ ಹೇಯ ಘಟನೆ ರಾಜಸ್ಥಾನದ ಬರ್ಮಾರ್ ಜಿಲ್ಲೆಯಲ್ಲಿ ನಡೆದಿದೆ. 

ಆಗಸ್ಟ್ 17 ರಂದು ಪೋಲಿಸ್ ಠಾಣೆಗೆ ಬಂದು ಪ್ರಕರಣ ದಾಖಲಿಸಿದ್ದ  18 ಮತ್ತು 20 ವರ್ಷದ ಯುವತಿಯರು ಕಳೆದ ಶನಿವಾರ, 3 ಜನ ಯುವಕರು  ತಮ್ಮ ಮೇಲೆ ಅತ್ಯಾಚಾರ ನಡೆಸಲು ಪ್ರಯತ್ನಿಸಿದರು ಎಂದು ಹೇಳಿದ್ದರು.  

ಆದರೆ ಕಳೆದ ಬುಧವಾರ ಇನ್ನೊಂದು ಪ್ರಕರಣ ದಾಖಲಿಸಿರುವ ಅವರು ಆ ಮೂವರು ಆರೋಪಿಗಳು ತಮ್ಮ ಮೇಲೆ ಅತ್ಯಾಚಾರ ನಡೆಸಿದ್ದಾರೆ ಎಂದು ಆಪಾದಿಸಿದ್ದಾರೆ ಎಂದು ಎಸ್ಪಿ ಹೇಮಂತ್ ಶರ್ಮಾ ತಿಳಿಸಿದ್ದಾರೆ. 

ಅವರಿಬ್ಬರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗಿದ್ದು, ಪ್ರಕರಣದ ತನಿಖೆ ನಡೆಸಲಾಗುತ್ತಿದೆ. ಮೊದಲ ಬಾರಿ ನೀಡಿದ ದೂರಿನಲ್ಲಿ ತಮ್ಮ ಮೇಲೆ ಬಲಾತ್ಕಾರ ಪ್ರಯತ್ನ ನಡೆದಿದೆ ಎಂದಿದ್ದ ಯುವತಿಯರು, ಎರಡನೇ ಬಾರಿ ತಮ್ಮ ಮೇಲೆ ಅತ್ಯಾಚಾರ ನಡೆಯಲ್ಪಟ್ಟಿದೆ ಎನ್ನುವುದರ ಮೂಲಕ ಗೊಂದಲ ಸೃಷ್ಟಿಸಿದ್ದಾರೆ ಎಂದು ಶರ್ಮಾ ಹೇಳಿದ್ದಾರೆ.