2002ರಲ್ಲಿ ನಡೆದ ಗುಜರಾತ್ನ ಗಲಭೆಗೆ ಅತೀವ ಅಸಮಾಧಾನ ವ್ಯಕ್ತ ಪಡಿಸಿದ್ದ ಅಂದಿನ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ, ಇದು 'ನಮ್ಮಿಂದಾದ ತಪ್ಪು' ಎಂದು ಹೇಳಿದ್ದರು ಎಂದು ಭಾರತೀಯ ಗುಪ್ತಚರ ಸಂಸ್ಥೆ 'ರಾ' ದ ಮಾಜಿ ಮುಖ್ಯಸ್ಥ ಎ.ಎಸ್. ದುಲತ್ ಹೊಸ ಬಾಂಬ್ ಸಿಡಿಸಿದ್ದಾರೆ.
ರಾಷ್ಟ್ರೀಯ ವಾಹಿನಿಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ದುಲತ್ ವಾಜಪೇಯಿಯವರ ಜತೆಗಿನ ತಮ್ಮ ಮಾತುಕತೆಯನ್ನು ಮೆಲುಕು ಹಾಕಿದ್ದಾರೆ. "ವಾಜಪೇಯಿ ಅವರೊಂದಿಗಿನ ನನ್ನ ಕೊನೆಯ ಮೀಟಿಂಗ್ನಲ್ಲಿ ವಾಜಪೇಯಿ ಗುಜರಾತ್ ಗಲಭೆ ಕುರಿತು ತೀವೃ ನೋವನ್ನು ವ್ಯಕ್ತ ಪಡಿಸಿದ್ದುರು ಮತ್ತು ಅದು ನಮ್ಮಿಂದಾದ ತಪ್ಪು ಎಂದು ಹೇಳಿದ್ದರು", ಎಂದು ದುಲತ್ ತಿಳಿಸಿದ್ದಾರೆ.