ಇಬ್ಬರು ಉದ್ಯಮಿಗಳ ಖಾತೆಯಲ್ಲಿ 110 ಕೋಟಿ
ಸ್ವಿಜರ್ಲೆಂಡ್‌ನ ಎಚ್‌ಎಸ್‌ಬಿಸಿ ಬ್ಯಾಂಕಿನಲ್ಲಿ ಖಾತೆ ಹೊಂದಿರುವ 628 ಭಾರತೀಯರ ಪೈಕಿ 418 ಮಂದಿಯ ಹೆಸರು, ವಿಳಾಸ ತಾಳೆಯಾಗಿದೆ. ಅದರಲ್ಲಿ 12 ಖಾತೆಗಳು ಕೋಲ್ಕತಾದವರಿಗೆ ಸೇರಿದವಾಗಿವೆ. ಆ ಪೈಕಿ ಆರು ಮಂದಿ ತಾವು ಖಾತೆ ಹೊಂದಿರುವ ವಿಚಾರವನ್ನು ದೃಢಪಡಿಸಿದ್ದಾರೆ. ಇದಲ್ಲದೆ ದೇಶದ ಇಬ್ಬರು ಕೈಗಾರಿಕೋದ್ಯಮಿಗಳು ಎಚ್‌ಎಸ್‌ಬಿಸಿ ಜಿನೇವಾ ಶಾಖೆಯಲ್ಲಿ 110 ಕೋಟಿ ರೂ. ಹಣ ಹೊಂದಿರುವ ವಿಚಾರ ಬಯಲಾಗಿದೆ. ಖಾತೆದಾರರ ಪಟ್ಟಿಯಲ್ಲಿ ಮೆಹ್ತಾ ಹಾಗೂ ಪಟೇಲ್‌ ಎಂಬ ಉಪನಾಮಗಳು ಸರ್ವೇಸಾಮಾನ್ಯದಂತಿವೆ ಎಂದು ಪತ್ರಿಕೆ ವರದಿ ಮಾಡಿದೆ.
