ತಾನು ಇಷ್ಟಪಟ್ಟಿದ್ದ ಯುವತಿಯ ಜತೆಗಿನ ವಿವಾಹವನ್ನು, ಕೆಲ ವಿವಾದದ ಕಾರಣಗಳಿಂದಾಗಿ ಆಕೆಯ ಕುಟುಂಬದವರೇ ತಿರಸ್ಕರಿಸಿದ ಕಾರಣಕ್ಕೆ ವಿಚಲಿತನಾದ ಯುವಕನೊಬ್ಬ ಸಾಮಾಜಿಕ ಜಾಲತಾಣವೊಂದರಲ್ಲಿ ಆಕೆಯ ಅಶ್ಲೀಲ ಭಾವಚಿತ್ರಗಳನ್ನು ಪೋಸ್ಟ್ ಮಾಡಿದ ಘಟನೆ ನಿಜಾಮಾಬಾದ್ ಜಿಲ್ಲೆಯಲ್ಲಿ ವರದಿಯಾಗಿದೆ.
ಜಿಲ್ಲೆಯ ಭೀಕನೂರ್ ಮಂಡಲದ ವಾಸಿಯಾಗಿರುವ 12 ನೇ ತರಗತಿ ಓದುತ್ತಿರುವ 17 ವರ್ಷದ ಹುಡುಗಿಯ ಜತೆ ರೆಡ್ಡಿಯ ಮದುವೆ ನಿಶ್ಚಯವಾಗಿತ್ತು. ಆದರೆ ಕೆಲ ಕಾರಣಕ್ಕೆ ಅತೃಪ್ತಗೊಂಡ ಆಕೆಯ ಕುಟುಂಬದವರು ನಿಗದಿಯಾಗಿದ್ದ ಅವರಿಬ್ಬರ ಮದುವೆಗೆ ತಡೆಯೊಡ್ಡಿದರು. ಅದರಿಂದ ಕುಪಿತನಾದ ಆತ ಅಪ್ರಾಪ್ತೆಯ ಅಶ್ಲೀಲ ಭಂಗಿಯ ಭಾವಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ ಎಂದು ಕಾಮರೆಡ್ಡಿ ಗ್ರಾಮೀಣ ವೃತ್ತ ನಿರೀಕ್ಷಕ ಸುಭಾಶ್ಚಂದ್ರ ಬೋಸ್ ಹೇಳಿದ್ದಾರೆ.