ಅಮ್ಮನದಿನ, ಅಪ್ಪನ ದಿನ, ಪ್ರೇಮಿಗಳ ದಿನಗಳ ಆಚರಣೆಯ ಬಗ್ಗೆ ಎಲ್ಲರಿಗೂ ತಿಳಿದೇ ಇದೆ. ಈಗ ಅದರ ಸಾಲಿಗೆ ಹೊಸದೊಂದು ಸೇರ್ಪಡೆಯಾಗಿದೆ. ಅದು ಕಿಸ್ಸಿಂಗ್ ಡೇ....
ಬರುವ ಭಾನುವಾರ, ನವೆಂಬರ್ 2 ರಂದು ಕೇರಳ ಕೊಚ್ಚಿಯಲ್ಲಿ 'ಚುಂಬನದ ದಿನ' ಹೆಸರಿನ ವಿನೂತನ ಪ್ರತಿಭಟನೆಯನ್ನು ಹಮ್ಮಿಕೊಳ್ಳಲಾಗಿದೆ. 'ಎ ಕಿಸ್ ಆಫ್ ಲವ್ ಡೇ 'ಎಂಬುದು ಇದರ ವಿಸ್ತ್ರತ ರೂಪ. ನೈತಿಕ ಪೊಲೀಸ್ಗಿರಿಯನ್ನು ವಿರೋಧಿಸಿ ಮತ್ತು ಪ್ರೀತಿ ಸ್ವಾತಂತ್ರ್ಯವನ್ನು ಅಭಿವ್ಯಕ್ತ ಪಡಿಸಲು ಕಿರು ಚಿತ್ರ ನಿರ್ಮಾಪಕ ರಾಹುಲ್ ಪಶುಪಾಲನ್ ನೇತೃತ್ವದ 'ಫ್ರೀ ಥಿಂಕರ್ಸ್' ಎಂಬ ಸಂಘಟನೆ ಈ ಧರಣಿಗೆ ಕರೆ ನೀಡಿದೆ.