ಇತ್ತೀಚೆಗೆ ನಡೆಸಿದ ಸಮೀಕ್ಷೆ ಸಂದರ್ಭ, ಸತ್ಯ ಹೇಳುವುದಾಗಿ ಎದೆಯುಬ್ಬಿಸಿಕೊಂಡು ಬಂದ ಪುರುಷ ಪುಂಗವರು ನೋಡ್ರೀ ಸ್ವಾಮಿ, ನಾವು ಕಡೆಯ ಬಾರಿ ಮಹಿಳೆಯೊಂದಿಗೆ ದೈಹಿಕ ಸಂಪರ್ಕ ನಡೆಸುವಾಗ ಕಾಂಡೋಮ್ ಬಳಸಿದ್ದೇವೆ ಎಂದು ಎದೆ ತಟ್ಟಿ ಸತ್ಯ ಹೇಳಿದ್ದಾರೆ. ವಿಶ್ವದ 37 ರಾಷ್ಟ್ರಗಳಲ್ಲಿ ಈ ಸಮೀಕ್ಷೆ ನಡೆಸಲಾಗಿದ್ದು, ಸುರಕ್ಷಿತ ಲೈಂಗಿಕ ಕ್ರಿಯೆ ನಡೆಸುವ ದೇಶಗಳ ಸಾಲಿನಲ್ಲಿ ಭಾರತ ಮೂರನೇ ಸ್ಥಾನದಲ್ಲಿದೆ.
ಸುರಕ್ಷಿತ ಲೈಂಗಿಕತೆಗೆ ಪುರುಷರು ಅನುಸರಿಸುವ ಕ್ರಮಗಳೇನು, ಲೈಂಗಿಕ ಸಂತೃಪ್ತಿಗಾಗಿ ಏನೇನು ಕಸರತ್ತುಗಳನ್ನು ಮಾಡುತ್ತೀರಿ... ಎಷ್ಟು ಸಮಯ ಏನೇನು ಮಾಡುತ್ತೀರಿ ಎಂಬಂತ ಪ್ರಶ್ನೆಗಳನ್ನು ತಟ್ಟಂತ ಹೇಳಿ ಎಂದು ಕೇಳಲಾಗಿತ್ತು.
ಅವರಲ್ಲಿ ಶೇಕಡಾ 71 ರಷ್ಟು ಭಾರತೀಯರು ನಾವು ಕಾಂಡೋಮ್ ಬಳಸುತ್ತಿರುವುದಾಗಿ ಹೇಳಿದ್ದಾರೆ. ಹಾಂಗ್ ಕಾಂಗ್‌ನ ಮಂದಿಯಲ್ಲಿ ಶೇಕಡಾ 73 ಮಂದಿ ಹಾಗೂ ಚೀನಾದ ಶೇಕಡಾ 77 ಮಂದಿ ತಾವು ಸುರಕ್ಷತೆಯ ದೃಷ್ಟಿಯಿಂದ ಕಾಂಡೋಮ್ ಬಳಸುತ್ತಿದ್ದೇವೆ ಎಂದಿದ್ದಾರೆ.
ಆದರೆ ಸುಖದ ಸಂತೃಪ್ತಿ ವಿಚಾರಕ್ಕೆ ಬಂದರೆ, ಇತರ ರಾಷ್ಟ್ರಗಳಿಗೆ ಹೋಲಿಸಿದರೆ ಭಾರತೀಯರ ಲೈಂಗಿಕ ಕ್ರಿಯೆ ಸಮಯ ತುಂಬಾ ಕಡಿಮೆ ಎಂದು ತಿಳಿದುಬಂದಿದ್ದು, ಸರಾಸರಿ ಕೇವಲ 15 ನಿಮಿಷದಲ್ಲಿ ನಮ್ಮ ಕೆಲಸ ಮುಗಿಯಿತು ಎಂದು ಲೈಂಗಿಕ ಕ್ರಿಯೆಯಿಂದ ಎದ್ದುಬಿಡುವ ಜಾಯಮಾನವನ್ನು ಭಾರತೀಯರು ಬೆಳೆಸಿಕೊಂಡಿದ್ದಾರೆ.
ಇತರ ರಾಷ್ಟ್ರದ ಜನತೆ ಲೈಂಗಿಕತೆಯಿಂದ ಸುಖ ಅನುಭವಿಸುತ್ತಿದ್ದರೆ, ಭಾರತೀಯರು ಅದನ್ನೂ ಒಂದು ಕೆಲಸ ಎಂಬಂತೆ ಬೇಗ ಬೇಗ ಮುಗಿಸಿಬಿಡುತ್ತಿದ್ದಾರೆ ಎಂದು ಕಾಂಡೋಮ್ ಕಂಪನಿ ಡ್ಯುರೆಕ್ಸ್ ನಡೆಸಿರುವ ಸಮೀಕ್ಷೆಯಿಂದ ತಿಳಿದುಬಂದಿರುವುದಾಗಿ ದಿ ಸನ್ ಪತ್ರಿಕೆ ವರದಿ ಪ್ರಕಟಿಸಿದೆ.
ಇದು ಸಮೀಕ್ಷೆಯಿಂದ ಹೊರಬಂದಿರುವ ವಿಷಯ. ಸತ್ಯ ಏನೂಂತ ಯಾವುದೇ ಅಂಜಿಕೆಯಿಲ್ಲದೆ ನೀವೂ ಕೂಡ ಚರ್ಚಿಸಬಹುದು. ಜೈ!
