ಪವನ್ ಕಲ್ಯಾಣ್ ಅಭಿಮಾನಿಗಳ ಯುಗಾದಿ ಹಾಗಂದ್ರೆ ಏನ್ ಗೊತ್ತೇ?

PR

ಪವನ್ ಕಲ್ಯಾಣ್ ನಟಿಸಿದ್ದ ಚಿತ್ರ ಅತ್ತಿಂಟಿಕಿ ದಾರೇದಿ ಅನೇಕ ದಾಖಲೆಗಳನ್ನು ಮಾಡುತ್ತಾ ಬಂದಿದೆ. ಅರಂಭದಲ್ಲಿ ಆ ಚಿತ್ರದ ರೀಲುಗಳು ಬಿಡುಗಡೆಗೆ ಮುನ್ನವೇ ಎಲ್ಲರು ನೋಡುವಂತೆ ಆಗಿತ್ತು. ಆ ಬಳಿಕ ರೀ ಶೂಟ್ ಮಾಡಿಸಿಕೊಂಡ ಚಿತ್ರವು ಬಾಕ್ಸ್ ಆಫೀಸಿನ ಚಿಂದಿ ಉಡಾಯಿಸಿತು. ಈಗ ಆ ಚಿತ್ರದ ಹಾಡು ಸಾಂಗ್ ಆಫ್ ದಿ ಇಯರ್ ನಲ್ಲಿ ಮೊದಲ ಮತ್ತು ಎರಡನೆಯ ಸ್ಥಾನಗಳನ್ನು ಪಡೆದಿದೆ..

ಒಂದು ಪ್ರಸಿದ್ಧ ನ್ಯೂಸ್ ಚಾನೆಲ್ ನಡೆಸಿದ ಸಾಂಗ್ ಆಫ್ ದಿ ಇಯರ್ ಸರ್ವೆ ಯಲ್ಲಿ ಅತ್ತಿಂಟಿಕಿ ದಾರೇದಿ ಹಾಡುಗಳು ಆಯ್ಕೆ ಆಗಿದೆ. ಆರಡುಗುಲ ಬುಲ್ಲೇಟ್ ಅನ್ನುವ ಹಾಡಿಗೆ ಮೊದಲ ಸ್ಥಾನ ದೊರಕಿದೆ. ಇದೇ ಚಿತ್ರದ ಮತ್ತೊಂದು ಹಾಡು ಬಾಪುಗಾರಿಬೊಮ್ಮ ಎರಡನೇ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ. ಈ ಚಿತ್ರದ ಬಗ್ಗೆ ಜನರು ಹೊಂದಿರುವ ಅಭಿಮಾನ ಕಂಡರೆ ಮುಂದಿನ ಯುಗಾದಿ ಸಂದರ್ಭದಲ್ಲಿ ನಡೆಯುವ ನಂದಿ ಅವಾರ್ಡ್ ಫಂಕ್ಷನ್ ನಲ್ಲಿ ಬಹಳಷ್ಟು ಪ್ರಶಸ್ತಿಗಳನ್ನು ಚಿತ್ರ ತನ್ನ ಪಾಲು ಮಾಡಿಕೊಳ್ಳುವುದರಲ್ಲಿ ಸಂಶಯವೇ ಇಲ್ಲ ಎನ್ನುತ್ತಿದ್ದಾರೆ ಟಾಲಿವುಡ್ ಮಂದಿ. ಒಟ್ಟಾರೆ ಈ ಯುಗಾದಿ ಪವನ್ ಕಲ್ಯಾಣ್ ಅಭಿಮಾನಿಗಳ ಯುಗಾದಿ ಎಂದು ಕರೆಯಬಹುದಾಗಿದೆ.