ಪ್ರತಿಷ್ಠಿತ ಕಾರ್ಯಕ್ರಮ ಉಮಂಗ್ ನಲ್ಲಿ ಹಾಡಿ ಕುಣಿದು ರಂಜಿಸಿದ ಬಾಲಿವುಡ್ ತಾರೆಗಳು
ಶುಕ್ರವಾರ, 24 ಜನವರಿ 2014 (09:16 IST)
PR
ದೇಶದ ಗಡಿ ಕಾಯುತ್ತಾ ರಕ್ಷಣೆಯನ್ನು ಮಾಡುವ ಕೆಲಸದಲ್ಲಿ ಸೈನ್ಯವು ಸದಾ ನಿರತವಾಗಿರುತ್ತದೆ. ಸೈನ್ಯ ದೇಶದ ರಕ್ಷಣೆಗೆ ಎಷ್ಟು ಮುಖ್ಯವೋ ಅಷ್ಟೇ ಪ್ರಾಮುಖ್ಯತೆಯನ್ನು ಪಡೆದುಕೊಂಡಿದೆ ಪೊಲೀಸ್ ಇಲಾಖೆ. ಇವರು ದೇಶದ ಶಾಂತಿ ಸುವ್ಯವಸ್ಥೆಯನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುತ್ತಾರೆ. ಎಂತಹ ಪರಿಸ್ಥಿತಿಗಳು, ಸಮಯ ಸಂದರ್ಭಗಳಿದ್ದರೂ ಸಹ ಅವರು ತಮ್ಮ ಸೇವೆಯನ್ನು ಧೈರ್ಯದಿಂದ ಮಾಡಲೇ ಬೇಕು. ಇವರಿಗೆ ಕೆಲಸದಲ್ಲಿ ಆಸೆ-ಆಸಕ್ತಿ ಹೆಚ್ಚಿಸಲು ಮುಂಬೈ ಪೊಲೀಸರು ಪ್ರತಿವರ್ಷ ಉಮಂಗ್ ಅನ್ನುವ ಕಾರ್ಯಕ್ರಮವನ್ನು ನಡೆಸುತ್ತಾರೆ.
ಕಳೆದ ಕೆಲವು ವರ್ಷಗಳಿಂದ ಬಾಲಿವುಡ್ ಕಲಾವಿದರು ಈ ಕಾರ್ಯಕ್ರಮದಲ್ಲಿ ಹಾಜರಾಗಿ ಪೊಲೀಸರಿಗೆ ಗೌರವ ಸೂಚಿಸುತ್ತಾ ಇರುವುದು ಅನೂಚಾನವಾಗಿ ನಡೆದು ಬಂದಿದೆ. ಅಷ್ಟೇ ಅಲ್ಲದೆ ಆಡುವ, ಹಾಡುವ, ಮನೋರಂಜನೆಯನ್ನು ನೀಡುವ ಕೆಲಸಕ್ಕೂ ಆದ್ಯತೆ ನೀಡಿದ್ದಾರೆ. ಎಲ್ಲಿ ಎಷ್ಟೇ ಮುಖ್ಯವಾದ ಶೂಟಿಂಗ್ ಇದ್ದರು ಸಹ ಸ್ಟಾರ್ ಕಲಾವಿದರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಂದೆ ಬರುತ್ತಾರೆ. ಇದು ಮಹಾನಗರ ಪಾಲಿಕೆಯ ಪೊಲೀಸರ ನೇತೃತ್ವದಲ್ಲಿ ನಡೆಯುತ್ತದೆ. ಉಮಂಗ್- 2014ರಲ್ಲಿಎಂಪಿ, ಮಾಜಿ ಕ್ರಿಕೆಟರ್ ಸಚಿನ್ ತೆಂಡೂಲ್ಕರ್, , ಬಿಗ್ ಬಿ ಅಮಿತಾಬ್ ಬಚ್ಚನ್, ಅವರನ್ನು ಸತ್ಕರಿಸಿದರು ಪೊಲೀಸರು. ಬಾಲಿವುಡ್ ಕಲಾವಿದರಾದ ಶಾರೂಖ್ ಖಾನ್, ಅಜಯ್ ದೇವಗನ್, ಶಿಲ್ಪ ಶೆಟ್ಟಿ ಕುಂದ್ರ ಸೇರಿದಂತೆ ಅನೇಕ ಸಿನಿ ಗಣ್ಯರು ಈ ಕಾರ್ಯಕ್ರಮದ ಭಾಗವಾಗಿದ್ದರು.
