ಮೊನ್ನೆ ತಾನೇ ರಂಗಿತರಂಗ ಸಿನಿಮಾ ತಂಡ ತನ್ನ ಮುಂದಿನ ಸಿನಿಮಾದ ಹೆಸರನ್ನು ಘೋಷಿಸಿತ್ತು. ಇದೀಗ ಸಿನಿಮಾ ತಂಡ ತನ್ನ ಕೆಲಸ ಆರಂಭಿಸಿದೆ. ಊಟಿಯಲ್ಲಿ ಸಿನಿಮಾದ ಮೊದಲ ಹಂತದ ಶೂಟಿಂಗ್ ನಡೆಯುತ್ತಿದೆ. ಒಂದು ವಾರಗಳ ಕಾಲ ರಾಜರಥ ಸಿನಿಮಾದ ಶೂಟಿಂಗ್ ಊಟಿಯಲ್ಲಿ ನಡೆಯಲಿದೆ.
ಅಂದ್ಹಾಗೆ ಊಟಿಯಲ್ಲಿ ಶೂಟಿಂಗ್ ಆದ ಬಳಿಕ ಪಶ್ಚಿಮ ಘಟ್ಟಗಳಲ್ಲಿ ಸಿನಿಮಾದ ಶೂಟಿಂಗ್ ನಡೆಯಲಿದೆಯಂತೆ. ಬೆಂಗಳೂರು, ಮೈಸೂರುಗಳಲ್ಲಿ ಶೂಟಿಂಗ್ ನಡೆಯಲಿದೆ.ಅಂದ್ಹಾಗೆ ಸಂತಸದ ವಿಚಾರ ಅಂದ್ರೆ ಈ ಸಿನಿಮಾದಲ್ಲಿ ರವಿಶಂಕರ್ ಅವರು ಕೂಡ ಅಭಿನಯಿಸಲಿದ್ದಾರಂತೆ. ಇನ್ನು ಈ ಹಿಂದೆ ರಂಗಿತರಂಗದಲ್ಲಿ ನಾಯಕ ನಾಯಕಿಯಾಗಿ ಅಭಿನಯಿಸಿದ್ದ ನಿರೂಪ್ ಭಂಡಾರಿ ಹಾಗೂ ಅವಂತಿಕಾ ಶೆಟ್ಟಿ ಅವರು ಇದೇ ಸಿನಿಮಾದಲ್ಲಿಯೂ ನಾಯಕ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ.
ಇನ್ನು ಸಿನಿಮಾದಲ್ಲಿ ಹೊಸ ಪ್ರತಿಭೆಗಳಿಗೆ ಅವಕಾಶ ನೀಡೋದಕ್ಕಾಗಿ 400 ಮಂದಿ ರಂಗಭೂಮಿ ಕಲಾವಿದರನ್ನು ಆಡಿಷನ್ ನಡೆಸಲಾಗಿತ್ತು.ಅದರಲ್ಲಿ ಆಯ್ಕೆಯಾದ ಮಂದಿಗೂ ಸಿನಿಮಾದಲ್ಲಿ ಅವಕಾಶ ನೀಡಲಾಗಿದೆ. ಸಿನಿಮಾವನ್ನು ಅನೂಪ್ ಭಂಡಾರಿ ನಿರ್ದೇಶನ ಮಾಡುತ್ತಿದ್ದು, ಅವರೇ ಸಾಹಿತ್ಯ ಹಾಗೂ ಸಂಗೀತ ಜವಬ್ದಾರಿಯನ್ನು ಹೊತ್ತುಕೊಂಡಿದ್ದಾರೆ.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
