ಐದು ವರ್ಷದ ಮಗನ ಜತೆ ಅಮೀರ್ ಖಾನ್ ಕುಸ್ತಿ!

ಬಾಲಿವುಡ್ ನಟ ಅಮೀರ್ ಖಾನ್ ತನ್ನ ಐದು ವರ್ಷದ ಮಗನಿಗೆ ಆಗಲೇ ಕುಸ್ತಿಯ ವರಸೆಗಳನ್ನು ಕಲಿಸುತ್ತಿರುವಂತಿದೆ! ಖ್ಯಾತ ಕುಸ್ತಿಪಟು ರೆಜ್ಲರ್ ಮಹಾವೀರ್ ಪೋಗತ್ ಜೀವನ ಆಧಾರವಾಗಿ ತೆರೆಗೆ ತಂದಿರುವ ದಂಗಲ್ ಚಿತ್ರ ಬಾಕ್ಸಾಫೀಸರಲ್ಲಿ ಧೂಳೆಬ್ಬಿಸುತ್ತಿದೆ. ಇತ್ತೀಚೆಗೆ ಚಿತ್ರತಂಡ ಮೇಕಿಂಗ್ ವಿಡಿಯೋ ರಿಲೀಸ್ ಮಾಡಿದೆ. 

ಈ ವಿಡಿಯೋದಲ್ಲಿ ತೆರೆಯ ಹಿಂದೆ ನಡೆದಿರುವ ಸನ್ನಿವೇಶಗಳನ್ನು ತೋರಿಸಲಾಗಿದೆ. ಒಂದು ಸನ್ನಿವೇಶದಲ್ಲಿ ತನ್ನ ಐದು ವರ್ಷದ ಮಗನಿಗೆ ಕುಸ್ತಿ ಹೇಗೆ ಮಾಡಬೇಕು ಎಂದು ತೋರಿಸುತ್ತಾ ಮಗನನ್ನು ಎದೆಮೇಲೆ ಕೂಸಿಕೊಂಡು ಕೆಳಗೆ ಉರುಳಿದರು. ಒಟ್ನಲ್ಲಿ ಆ ಚಿಕ್ಕ ಮಗುಗೆ ಏನರ್ಥವಾಯಿತೋ ಏನೋ ಗೊತ್ತಿಲ್ಲ.

ಎಲ್ಲಾ ಮುಗಿದ ಮೇಲೆ ಎದ್ದು ಅಪ್ಪನ ಪಕ್ಕ ನಿಂತು ನಗುತ್ತಿದ್ದಾನೆ. ಇನ್ನು ದಂಗಲ್ ಚಿತ್ರದ ವಿಚಾರಕ್ಕೆ ಬಂದರೆ ನಿತೀಶ್ ತಿವಾರಿ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರ ವಿಶ್ವದಾದ್ಯಂತ ಪ್ರದರ್ಶನ ಕಾಣುತ್ತಿತ್ತು ಒಳ್ಳೇ ಕಲೆಕ್ಷನ್ ಮಾಡುತ್ತಿದೆ. ಅಮೀರ್ ಖಾನ್, ಕಿರಣ್ ರಾವ್, ಸಿದ್ದಾರ್ಥ್ ರಾಯ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.