ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ನಟಿ ದೀಪಿಕಾ ಸಂಭಾವನೆ ವಿಚಾರವನ್ನು ಬಹಿರಂಗಗೊಳಿಸಿದ್ದಾರೆ. 'ಪಿಕು' ಚಿತ್ರದಲ್ಲಿ ದೀಪಿಕಾ ನನಗಿಂತಲೂ ಹೆಚ್ಚು ಸಂಭಾವನೆ ಪಡೆದಿದ್ದರು ಎಂದು ತಿಳಿಸಿದ್ದಾರೆ. ಮುಂಬರುವ ಚಿತ್ರ 'ಪಿಂಕ್ 'ಸಿನಿಮಾದ ಪ್ರಚಾರದಲ್ಲಿ ಭಾಗಿಯಾಗಿರುವ ವೇಳೆ ಅಮಿತಾಬ್ ಬಚ್ಚನ್ ದೀಪಿಕಾ ಅವರ ಸಂಭಾವನೆ ವಿಚಾರವನ್ನು ಬಿಚ್ಚಿಡುವುದರ ಮೂಲಕ ಎಲ್ಲರಿಗೂ ಶಾಕಿಂಗ್ ನೀಡಿದ್ದಾರೆ.
'ಪಿಕು' ಚಿತ್ರಕ್ಕಾಗಿ ನನಗಿಂತಲೂ ದೀಪಿಕಾ ಹೆಚ್ಚಾಗಿ ಸಂಭಾವನೆ ಪಡೆದಿದ್ದಾರೆ. ಅಲ್ಲದೇ ಬಿಗ್ ಬಿ ಈ ವೇಳೆ ಎರಡು ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ. 'ನನಗಿಂತಲೂ ಆಕೆ ತುಂಬಾ ಮುಖ್ಯವಾದವರು', ಬಹಳ ದಿನದಿಂದ ನಾನು ಕೆಲಸ ಮಾಡುತಿದ್ದೇನೆ. ಆದ್ದರಿಂದಲೇ ನನ್ನ ಬೆಲೆ ಕಡಿಮೆಯಾಗಿರಬಹುದು ಎಂದು ತಿಳಿಸಿದರು.
