ಪರಿಣಿತಿ, ಪಾ, ದಿ ಡರ್ಟಿ ಪಿಕ್ಚರ್,ಕಹಾನಿ ಯಂತಹ ಚಿತ್ರಗಳಲ್ಲಿ ವೈವಿಧ್ಯಮಯ ಪಾತ್ರಗಳನ್ನೂ ಮಾಡಿ ವಿಮರ್ಶಕರ ಗಮನ ಸೆಳೆಯುವಲ್ಲಿ ಸಫಲವಾಗಿದ್ದಾರೆ. ಪ್ರಸ್ತುತ ವಿದ್ಯಾ ಬಾಬಿ ಜಾಸೂಸ್ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
ಭಾರತೀಯ ಚಿತ್ರರಂಗದಲ್ಲಿ ಮಹಿಳೆಯರಿಗೆ ನೀಡುವ ಆದ್ಯತೆಯ ವಿಷಯಕ್ಕೆ ಸಂಬಂಧಿಸಿದಂತೆ ಇರುವಂತಹ ಧೋರಣೆ ಬದಲಾಗ ಬೇಕು. ಆದರೆ ಈ ಸಂಗತಿಯಲ್ಲಿ ಮುಂಬರುವ ದಿನಗಳಲ್ಲಿ ಸಾಕಷ್ಟು ಬದಲಾವಣೆಗಳು ಉಂಟಾಗುತ್ತದೆ ಎನ್ನುವ ವಿಶ್ವಾಸ ನನಗಿದೆ. ಮಹಿಳೆಯ ಪಾತ್ರವನ್ನು ಭಿನ್ನ ರೀತಿಯಲ್ಲಿ ತಿದ್ದ ಬೇಕು ಎನ್ನುವ ಆಶಯ, ಆಸಕ್ತಿ ಹೊಂದಿರುವ ಜನರ ಪ್ರಮಾಣ ತುಂಬಾ ಕಡಿಮೆ ಇದೆ. ಕೇವಲ ಶೇ. ೫ ರಷ್ಟು ಮಂದಿ ಮಾತ್ರ ಈ ರೀತಿ ಭಿನ್ನವಾಗಿ ಯೋಚಿಸುತ್ತಾರೆ. ಉಳಿದ ಶೇ. 95ರಷ್ಟು ಮಂದಿ ಮಹಿಳೆಯರಿಗೆ ಆದ್ಯತೆ ನೀಡದೆಯೆ ಸಂಪೂರ್ಣ ಮಾಡಿ ಬಿಡ್ತಾರೆ.