ಕೆಲವು ಚಿತ್ರಗಳು ಇತಿಹಾಸದಲ್ಲಿ ಅತ್ಯುತ್ತಮ ಸ್ಥಾನ ಪಡೆಯಲು ಪ್ರಯತ್ನ ಪಡುತ್ತದೆ. ಆ ಪಟ್ಟಿಯಲ್ಲಿ ನಿರ್ದೇಶಕ ಶಂಕರ್ ಅವರ ಹೊಚ್ಚ ಹೊಸ ಚಿತ್ರ ಸೇರ್ಪಡೆ ಆಗುವ ಸಿದ್ಧತೆಯಲ್ಲಿದೆ. ಅದಕ್ಕೆ ಪೂರಕವಾದ ಕೆಲಸಗಳನ್ನು ಮಾಡಿದ್ದಾರೆ ಶಂಕರ್. ಈ ರೀತಿಯ ಸಾಹಸ ಭಾರತೀಯ ಸಿನಿ ಇತಿಹಾಸದಲ್ಲೇ ಮೊಟ್ಟ ಮೊದಲನೆಯದಾಗಿದೆ ಎನ್ನುವ ಮಾತನ್ನು ಹೇಳಿದ್ದಾರೆ ಕಾಲಿವುಡ್ ಮಾಧ್ಯಮದವರು.ವಿಕ್ರಮ್ ಹೀರೋ ಆಗಿರುವ ಹಾಗೂ ಶಂಕರ್ ನಿರ್ದೇಶನದಲ್ಲಿ ಸಿದ್ಧ ಆಗಿರುವ ಚಿತ್ರ ಐ ಚಿತ್ರ ದೀಪಾವಳಿ ದಿನದಂದು ಬಿಡುಗಡೆ ಆಗುತ್ತಿದೆ.
180 ಕೋಟಿಯಷ್ಟು ಭಾರಿ ಬಜೆಟ್ ನಿಂದ ನಿರ್ಮಾಣ ಆಗಿರುವ ಚಿತ್ರವೂ ವಿಶ್ವವಿಡಿ ಸುಮಾರು 15ಸಾವಿರ ಥಿಯೇಟರ್ ಗಳಲ್ಲಿ ಬಿಡುಗಡೆ ಆಗುವುದಕ್ಕೆ ಬೇಕಾದ ತಯಾರಿ ನಡೆಸಿದ್ದಾರೆ ಶಂಕರ್. ಟಾಪ್ ಬಾಲಿವುಡ್ ಹೀರೋಗಳು ಸಹಿತ ಈವರೆಗೂ ಮೂರು ಸಾವಿರದಿಂದ 5 ಸಾವಿರಕ್ಕಿಂತ ಹೆಚ್ಚಿನ ಥಿಯೇಟರ್ ಗಳಲ್ಲಿ ಚಿತ್ರವನ್ನು ಬಿಡುಗಡೆ ಮಾಡಿಲ್ಲ, ಆದರೆ ದಕ್ಷಿಣ ಭಾರತ ಸಿನಿಮಾ 15 ಸಾವಿರ ಥಿಯೇಟರ್ ಗಳಲ್ಲಿ ಬಿಡುಗಡೆ ಆಗುತ್ತಿರುವ ಸಂಗತಿ ಸೆನ್ಸೇಷನಲ್ ಆಗಿದೆ.
ಹೈ ಟೆಕ್ನಾಲಜಿ ಯಿಂದ ನಿರ್ಮಿಸಿರುವ ಈ ಚಿತ್ರವನ್ನು ತೆಲುಗು, ಹಿಂದಿ, ಮಲೆಯಾಳಂ ನಂತಹ ಭಾರತೀಯ ಭಾಷೆಗಳಲ್ಲದೆ,ಚೈನಾ, ತೈವಾನ್, ಮುಂತಾದ 25 ವಿದೇಶಿ ಭಾಷೆಗಳಲ್ಲೂ ಸಹಿತ ಈ ಚಿತ್ರವನ್ನು ಡಬ್ ಮಾಡಿ ಬಿಡುಗಡೆ ಮಾಡಲಾಗುತ್ತಿದೆಯಂತೆ..