ಪ್ರಕಾಶ್ ರೈಗೊಲಿದ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾದ ಹಿಂದಿ ರಿಮೇಕ್ ರೈಟ್ಸ್

ಕನ್ನಡದಲ್ಲಿ ಸಾಕಷ್ಟು ಸುದ್ದಿ ಮಾಡಿರುವ ಸಿನಿಮಾ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು.ಸಿನಿಮಾ ರಿಲೀಸ್ ಆಗಿ ಇನ್ನು ವಾರ ಕಳೆಯುವ ಮೊದಲೇ ಸಿನಿಮಾ ತೆಲುಗು ಹಾಗೂ ತಮಿಳಿಗೆ ರಿಮೇಕ್ ಆಗುತ್ತೆ ಅಂತಾ ಸುದ್ದಿಯಾಗಿತ್ತು.ಆದ್ರೀಗ ಸಿನಿಮಾ ಹಿಂದಿಗೂ ರಿಮೇಕ್ ಆಗೋದು ಕನ್ಫರ್ಮ್ ಆಗಿದೆ.

ಹೌದು.. ಈಗಾಗಲೇ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾದ ತೆಲುಗು ಹಾಗೂ ತಮಿಳು ರಿಮೇಕ್ ಹಕ್ಕನ್ನು ಪ್ರಕಾಶ್ ರೈ ಅವರು ಖರೀದಿಸಿದ್ದಾರೆ. ಸಿನಿಮಾದ ಹಿಂದಿ ರಿಮೇಕ್ ಹಕ್ಕನ್ನು ಬೋನಿ ಕಪೂರ್ ಅವರು ಖರೀದಿಸಲು ಆಸಕ್ತಿ ತೋರಿದ್ದಾರೆ ಅಂತಾ ಹೇಳಲಾಗಿತ್ತು.ಆದ್ರೆ ಅಷ್ಟರಲ್ಲಿ ಪ್ರಕಾಶ್ ರೈ ಅವರೇ ಹಿಂದಿ ರಿಮೇಕ್ ರೈಟ್ಸ್ ನ್ನು ಪಡೆಯುವ ಒಲವು ತೋರಿದ್ದಾರೆ ಅಂತಾ ಹೇಳಲಾಗಿತ್ತು. ಅಲ್ಲದೇ ಹಿಂದಿ ರಿಮೇಕ್ ರೈಟ್ಸ್  ನ್ನು ಈಗಲೇ ನೀಡಬೇಡಿ ಅಂತಾ ಚಿತ್ರದ ನಿರ್ದೇಶಕರು ಹಾಗೂ ನಿರ್ಮಾಪಕರಿಗೆ ಹೇಳಿದ್ದರು,ಆದ್ರೀಗ ಸಿನಿಮಾದ ಹಿಂದಿ ರಿಮೇಕ್ ರೈಟ್ಸ್ ನ್ನು ಪ್ರಕಾಶ್ ಅವರೇ ಪಡೆದುಕೊಂಡಿದ್ದಾರೆ. ಇನ್ನು ಹಿಂದಿ ರಿಮೇಕ್ ನಲ್ಲಿ ಅನಂತ್ ನಾಗ್ ಅವರು  ಕನ್ನಡದಲ್ಲಿ ಮಾಡಿದ ಪಾತ್ರವನ್ನು ಅಮಿತಾಬ್ ಬಚ್ಚನ್ ಅವರಿಂದ ಮಾಡಿಸುವ ಪ್ಲಾನ್ ರೈ ಅವರದ್ದಂತೆ. 

ಇನ್ನು ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿ ಅವರು ನಿರ್ವಹಿಸಿದ ಪಾತ್ರವನ್ನು ಹಿಂದಿಯಲ್ಲಿ ಶಾಹೀದ್ ಕಪೂರ್ ಅವರು ಮಾಡಲಿದ್ದಾರೆ ಅಂತಾ ಹೇಳಲಾಗುತ್ತಿದೆ.ಆದ್ರೆ ಇದು ಎಷ್ಟರ ಮಟ್ಟಿಗೆ ನಿಜ. ಸಿನಿಮಾದಲ್ಲಿ ಯಾರೆಲ್ಲಾ ಅಭಿನಯಿಸಲಿದ್ದಾರೆ ಅನ್ನೋದರ ಬಗ್ಗೆ ಪ್ರಕಾಶ್ ರೈ ಅವರೇ ಉತ್ತರ ನೀಡಬೇಕಿದೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.