ಕತ್ರೀನಾ ಕೈಫ್ ಲಿಬಿಯಾ ಸರ್ವಾಧಿಕಾರಿ ಗಡಾಫಿ ಜೊತೆಗಿದ್ದ ಪೋಟೋ ವೈರಲ್

ಬಂಡುಕೋರರಿಂದ ಹತ್ಯೆಗೀಡಾದ ಲಿಬಿಯಾದ ಸರ್ವಾಧಿಕಾರಿ ಮುಮ್ಮರ್ ಗಡಾಫಿ ಜೊತೆ ಬಾಲಿವುಡ್`ನ ಖ್ಯಾತ ನಟಿ ಕತ್ರಿನಾ ಕೈಫ್ ಇರುವ ಪೋಟೋವೊಂದು ಆನ್ ಲೈನ್`ನಲ್ಲಿ ವೈರಲ್ ಆಗಿದೆ.

ಫೋಟೋದಲ್ಲಿ ಮಾಡೆಲ್`ಗಳ ಜೊತೆ ಕತ್ರೀನಾ ಸಹ ಗಢಾಪಿ ಪಕ್ಕದಲ್ಲಿ ಕುಳಿತು ಫೋಟೋ ತೆಗೆಸಿಕೊಂಡಿದ್ದಾರೆ. 15 ವರ್ಷಗೆಳ ಹಿಂದೆ ಕತ್ರೀನಾ ಬಾಲಿವುಡ್`ಗೆ ಎಂಟ್ರಿ ಕೊಡುವುದಕ್ಕೂ ಮುನ್ನ ಮಾಡೆಲಿಂಗ್ ಪ್ರಪಂಚದಲ್ಲಿದ್ದಾಗ ತೆಗೆಸಿಕೊಂಡಿರುವ ಫೋಟೋ ಇದಾಗಿದೆ. ಸದ್ಯ, ಇನ್`ಸ್ಟಾಗ್ರಾಮ್`ನಲ್ಲಿ ಈ ಫೋಟೋ ಪ್ರತ್ಯಕ್ಷವಾಗಿದೆ

ಆಗಿನ್ನೂ ಕತ್ರೀನಾಗೆ 18 ವರ್ಷ ವಯಸ್ಸು. ಫ್ಯಾಶನ್ ಶೋನಲ್ಲಿ ಭಾಗವಹಿಸಲು ಲಿಬಿಯಾಗೆ ತೆರಳಿದ್ದ ಮಾಡೆಲ್`ಗಳ ಗುಂಪಿನಲ್ಲಿ ಕತ್ರೀನಾ ಸಹ ಇದ್ದರು. ಈ ಹಿಂದೆ ಗಡಾಫಿ ಪುತ್ರ ಏರ್ಪಡಿಸಿದ್ದ ಖಾಸಗಿ ಕಾರ್ಯಕ್ರಮದಲ್ಲಿ ಪಾಪ್ ತಾರೆಗಳು ಕಾಣಿಸಿಕೊಂಡಿದ್ದ ಪೋಟೋ ಆನ್`ಲೈನ್`ನಲ್ಲಿ ಪ್ರತ್ಯಕ್ಷವಾಗಿ ಬಾರೀ ಸಂಚಲನ ಮೂಡಿಸಿತ್ತು. ಈ ಫೋಟೋದಿಂದ ಕತ್ರೀನಾ ಸಹ ಮುಜುಗರಕ್ಕೀಡಾಗುವ ಸಾಧ್ಯತೆ ಇದೆ.