ಮೊನ್ನೆಯಷ್ಟೇ ಈ ಸಿನಿಮಾ ಫ್ರೆಂಚ್ ಭಾಷೆಗೆ ಡಬ್ ಆಗ್ತಿದೆ ಅಂತಾ ನಾವೇ ವೆಬ್ ದುನಿಯಾದಲ್ಲಿ ಹೇಳಿದ್ದೆವು. ಸೈಕೋಲಾಜಿಕಲ್ ಥ್ರಿಲ್ಲರ್ ಸಿನಿಮಾವಾಗಿರುವ ಲಾಸ್ಟ್ ಬಸ್ ಸಿನಿಮಾವನ್ನು ನೋಡಿದ ಪ್ರೇಕ್ಷಕರು ಈಗಾಗಲೇ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ರು. ಸಾಮಾಜಿಕ ಜಾಲತಾಣಗಳಲ್ಲಿ ಈ ಸಿನಿಮಾ ಅದ್ಭುತವಾಗಿದೆ ನೋಡಿ ಅಂತಾ ಚಿತ್ರ ನೋಡಿದವರೆಲ್ಲಾ ಹೇಳಿಕೊಂಡಿದ್ರು. ಹಾಗಾಗಿ ಅನೇಕರು ಸಿನಿಮಾವನ್ನು ಮತ್ತೆ ಮತ್ತೆ ನೋಡುತ್ತಲೇ ಇದ್ದಾರಂತೆ. ಇದೀಗ ಸಿನಿಮಾ 50 ದಿನಗಳ ಸಂಭ್ರಮದಲ್ಲಿದೆ.
ಈ ಚಿತ್ರವನ್ನು ಎಸ್.ಡಿ.ಅರವಿಂದ್ ನಿರ್ದೇಶನ ಮಾಡಿದ್ದಾರೆ. ಅವಿನಾಶ್ ನರಸಿಂಹರಾಜು, ಮಾನಸ ಜೋಶಿ, ಮೇಘಶ್ರೀ ಭಾಗವತರ್, ಸಮರ್ಥ್ ನರಸಿಂಹರಾಜು, ಸುಧಾ ನರಸಿಂಹರಾಜು, ರಾಕ ಶಂಕರ್, ಲೋಕೇಶ್ ಆಚಾರ್, ಪ್ರಕಾಶ್ ಬೆಳವಾಡಿ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.