ಲಿಂಕಿನ್‌ ಪಾರ್ಕ್‌ ಸಿಂಗರ್ ಚೆಸ್ಟರ್ ಬೆನ್ನಿಂಗ್ಟನ್‌ ಆತ್ಮಹತ್ಯೆ..!
ಶುಕ್ರವಾರ, 21 ಜುಲೈ 2017 (10:29 IST)
ಲಾಸ್‌ ಎಂಜಲಸ್‌: ಲಿಂಕಿನ್‌ ಪಾರ್ಕ್‌ ರಾಕ್‌ ಹಾಡುಗಳ ಗಾಯಕ ಚೆಸ್ಟರ್ ಬೆನ್ನಿಂಗ್ಟನ್‌ ಆತ್ಮಹತ್ಯೆಗೆ ಶರಣಾಗಿದ್ದಾರೆ. ದಕ್ಷಿಣ ಕ್ಯಾಲಿಫೋರ್ನಿಯಾದ ಅಪಾರ್ಟ್‌ಮೆಂಟ್‌ನಲ್ಲಿ ಅವರ ಮೃತದೇಹ ಆತ್ಮಹತ್ಯೆ ಮಾಡಿಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದೆ.
41 ರ ಹರೆಯದ ಚೆಸ್ಟರ್ ಆತ್ಮಹತ್ಯೆ ಮಾಡಿಕೊಂಡಿರುವುದಾಗಿ ಕಚೇರಿಯ ವಕ್ತಾರ ಬ್ರಿಯಾನ್‌ ಇಲಿಯಾಸ್‌ ತಿಳಿಸಿದ್ದಾರೆ. ನೇಣು ಬಿಗಿದುಕೊಂಡು ಸಾವಿಗೆ ಶರಣಾಗಿರುವುದಾಗಿ ವರದಿಯಾಗಿದೆ. ಚೆಸ್ಟರ್ ಆತ್ಮಹತ್ಯೆಗೆ ಕಾರಣ ಇನ್ನೂ ತಿಳಿದುಬಂದಿಲ್ಲ.
2006ರಲ್ಲಿ ಹೈಬ್ರೀಡ್‌ ಥಿಯರಿ ಎಂಬ ಅಲ್ಬಂ ಜನಪ್ರಿಯವಾಗಿತ್ತು, ಇತ್ತೀಚೆಗೆ ಓನ್‌ ಮೋರ್‌ ಲೈಟ್‌ ಎಂಬ ಅಲ್ಬಂ ಬಿಡುಗಡೆಗೊಂಡು ಸಾಕಷ್ಟು ಜನಮನ್ನಣೆ ಗಳಿಸಿತ್ತು. ಚೆಸ್ಟರ್ ಮದ್ಯಪಾನ ಮತ್ತು ಡ್ರಗ್ಸ್‌ಗೆ ದಾಸರಾಗಿದ್ದರು ಎಂದು ಹೇಳಲಾಗಿದೆ.
