ಬಾಲಿವುಡ್ ನಟ, ನಿರ್ಮಾಪಕ ಅರ್ಬಾಜ್ ಖಾನ್, ಮಲೈಕಾ ಅರೋರಾ ಖಾನ್ ದಾಂಪತ್ಯ ಮುರಿದುಬಿದ್ದಿರುವುದು ಗೊತ್ತೆ ಇದೆ. ಇವರಿಬ್ಬರೂ ವಿಚ್ಛೇದನಕ್ಕಾಗಿ ಕೋರ್ಟ್ ಮೆಟ್ಟಿಲೇರಿರುವುದು ಗೊತ್ತಿರುವ ವಿಚಾರ. ಈ ಹಿನ್ನೆಲೆಯಲ್ಲಿ ಇಬ್ಬರೂ ಕೌನ್ಸೆಲಿಂಗ್ಗೆ ಸಹ ಹಾಜರಾಗಿದ್ದಾರೆ.
ಕುಟುಂಬ ಸದಸ್ಯರೆಲ್ಲಾ ಸೇರಿ ಒಟ್ಟಿಗೆ ಬಾಳಿಬದುಕುವಂತೆ ಪ್ರಯತ್ನ ಮಾಡಿದ್ದರು. ಅರ್ಬಾಜ್ ಖಾನ್ ಒಪ್ಪಿದ್ದ. ಆದರೆ ಮಲೈಕಾ ಒಲ್ಲೆ ಎಂದಿದ್ದಾಗಿ ಸುದ್ದಿ ಇದೆ. 1998ರಲ್ಲಿ ಇವರಿಬ್ಬರ ಮದುವೆಯಾಗಿತ್ತು. ಹದಿನೆಂಟು ವರ್ಷಗಳ ದಾಂಪತ್ಯ ವಿಚ್ಛೇದನದ ಮೂಲಕ ಕೊನೆಯಾಗುತ್ತಿದೆ. ಈ ಘಟನೆ ಬಗ್ಗೆ ಅರ್ಬಾಜ್ ಸಹೋದರ ಸಲ್ಮಾನ್ ಖಾನ್ ಹೇಗೆ ಪ್ರತಿಕ್ರಿಯಿಸಬಹುದೆಂದು ಬಾಲಿವುಡ್ ವರ್ಗ ನಿರೀಕ್ಷಿಸುತ್ತಿದೆ.