ಸಾಮಾನ್ಯವಾಗಿ ಅನೇಕ ಕಲಾವಿದರು ಸಾಮಾಜಿಕ ಜಾಲತಾಣಗಳ ಮೂಲಕ ತಮ್ಮ ಅಭಿಮಾನಿಗಳ ಜೊತೆ ಇರ್ತಾರೆ. ಅಂತಹವರ ಪಟ್ಟಿಗೆ ಬಿಗ್ ಬಿ ಅಮಿತಾಬ್ ಬಚ್ಚನ್ ಸಹ ಸೇರ್ಪಡೆ ಆಗಿದ್ದಾರೆ. ತಮ್ಮ ಅನಿಸಿಕೆಗಳನ್ನು, ಅಭಿಪ್ರಾಯ, ಸಾಮಾನ್ಯ ಸಂಗತಿ ಒಟ್ಟಾರೆ ತಮ್ಮ ಬದುಕಿಗೆ ಸಂಬಂಧಪಟ್ಟ ಎಲ್ಲ ವಿಷಯಗಳನ್ನು ಟ್ವಿಟ್ಟರ್ ನಲ್ಲಿ ಹಾಕಿ ಅಭಿಮಾನಿಗಳಿಗೆ ಹೆಚ್ಚು ಸಮೀಪ ಆಗಿದ್ದಾರೆ.
ಆದರೆ ಅಮಿತಾಬ್ ಸಾಬ್ ಗೆ ಒಂದು ಯೋಚನೆ ಬಂತಂತೆ. ಯಾಕೆ ಸದಾ ಸಾಮಾನ್ಯ ಸಂಗತಿಗಳನ್ನೇ ಹಾಕೋದು? ಆದಷ್ಟು ಜ್ಞಾನ ಹೆಚ್ಚಿಸುವ ಸಂಗತಿಗಳ ಕಡೆಗೂ ಆದ್ಯತೆ ನೀಡುವ ಎಂದು ನಿರ್ಧರಿಸಿದರಂತೆ. ಅದಕ್ಕೆ ಈಗ ಅವರ ಟ್ವಿಟ್ಟರ್ ಅಕೌಂಟ್ ನಲ್ಲಿ ಬೋಲ್ ಬಚ್ಚನ್ ಎನ್ನುವ ಒಂದು ವಿಭಾಗ ತೆರೆದು, ಅಲ್ಲಿ ನಾಳೆ ಇಂತಹ ಸಂಗತಿ ಇದೆ ಎಂದು ಮೊದಲ ಕುತೂಹಲ ಹುಟ್ಟು ಹಾಕ್ತಾ ಇದ್ದಾರೆ ಬಿಗ್ ಬಿ.